Click it and Unblock the Notifications
Just In
-
-
-
-
FIFA World Cup 2022: ఫుట్‌బాల్ ఆటగాళ్ళు మైదానంలో ఎందుకు ఎక్కువగా ఉమ్ముతారు?
FIFA World Cup 2022: ప్రపంచంలో అత్యధిక మంది వీక్షించే క్రీడ సంగ్రామం ఫిఫా(FIFA) వరల్డ్ కప్ ఖతార్ లో అట్టహాసంగా జరుగుతోంది. ఇందుకు సంబంధించి వార్తలు వార్తాపత్రికల్లో, న్యూచ్ ఛానళ్లలో వస్తూనే ఉన్నాయి. అయితే ప్రస్తుతం జరుగుతున్న మ్యాచ్ లు చూసినా, లేదా గతంలో జరిగిన ఫుట్‌బాల్ చూసినా మ్యాచ్ జరుగుతున్నప్పుడు ఆటగాళ్లు ఉమ్మి వేయడాన్ని చూసే ఉంటారు. లియోనెల్ మెస్సీ(Lionel Messi) నుండి క్రిస్టియానో రొనాల్డో(Cristiano Ronaldo) వరకు అందరూ ఇలా ఉమ్మి వేస్తుంటారు.
(image: THEINDIANEXPRESS)
అసలు ఫుట్‌బాల్ ఆటగాళ్ళు తరచుగా ఎందుకు ఉమ్మి వేస్తారు అనే డౌట్ మీకు ఎప్పుడైనా వచ్చిందా. దానికి ఒక సైన్స్ ఉంది. ఇది ఆట సమయంలో అథ్లెట్లు బాగా ఊపిరి పీల్చుకోవడానికి, వారి పనితీరును మెరుగుపరుస్తుందని నిపుణులు అంటున్నారు.
ఫుట్‌బాల్‌లో ఉమ్మివేయడం వెనుక సైన్స్
(image: DAILYSTAR)
ఫుట్‌బాల్‌లో ఉమ్మివేయడం ఒక సాధారణ పద్ధతి. దీని వెనుక కొంత విజ్ఞాన శాస్త్రం మరియు పనితీరును పెంచే అంశం ఉంది. వ్యాయామం లాలాజలంలోకి స్రవించే ప్రోటీన్ మొత్తాన్ని పెంచుతుందని అధ్యయనాలు సూచిస్తున్నాయి. ముఖ్యంగా MUC5B అని పిలువబడే ఒక రకమైన శ్లేష్మం. ఇది లాలాజలాన్ని మందంగా చేస్తుంది. మింగడం కష్టతరం చేస్తుంది. అందువల్ల, ఫుట్‌బాల్ ఆటగాళ్లు తరచూ ఉమ్మివేస్తుంటారు.
ఫుట్‌బాల్ మ్యాచ్‌ల వంటి శారీరక శ్రమతో కూడిన కార్యకలాపాల సమయంలో నోటిలోని లాలాజలం చిక్కగా ఉంటుందని, ఆటగాళ్ళు ఉమ్మివేయడం మంచిదని వైద్యులు చెబుతున్నారు. ఉమ్మివేయడం కేవలం ఫుట్‌బాల్ ఆటగాళ్ళే కాదు, క్రికెటర్లు మరియు రగ్బీ ఆటగాళ్ళు కూడా ఉమ్మి వేస్తారు. ఇది క్రీడలో చట్టబద్ధంగా పరిగణించబడుతుంది.
కార్బ్-రిన్సింగ్
(image:SPORTSPERFORMANCEBULLETIN)
మ్యాచ్ మధ్యలో ఆటగాళ్లు తమ నోటిలో నీళ్లు నింపుకుని ఒక్కసారిగా ఉమ్మి వేయడం కూడా చూసే ఉంటారు. దీనిని కార్బ్ రిన్సింగ్ అంటారు. ఈ నీళ్లు పిండి పదార్థాలను కలిగి ఉంటాయి.
చక్కెర, ఉప్పు అధికంగా ఉండే స్పోర్ట్స్ డ్రింక్, మీ మెదడులోని ఆనందం, ఇంద్రియ గ్రాహకాలను సక్రియం చేస్తుంది. ఇది ఆహారం రూపంలో అదనపు శక్తిగా భావించేలా చేస్తుంది. అలా శరీరం అలసిపోయిందని మెదడును ఆలోచించకుండా ఆపుతుంది.
ఈ కార్బ్ రిన్సింగ్ అనేది మీ మెదడును మోసగించడం లాంటిది. కార్బ్ రిన్సింగ్ చేయడం వల్ల పనితీరు రెండు నుండి మూడు శాతం వరకు పెంచవచ్చని వైద్యులు చెబుతున్నారు.
2017లో యూరోపియన్ జర్నల్ ఆఫ్ స్పోర్ట్ సైన్స్‌లో ప్రచురించబడిన మరొక అధ్యయనం కార్బ్-రిన్సింగ్ పనితీరును పెంచుతుందని కనుగొంది. ఈ అధ్యయనం వారి 20 ఏళ్లలో 12 మంది ఆరోగ్యవంతమైన పురుషులను పరిశోధించింది. వారు పైకి ఎగరగలరని, ఎక్కువ బెంచ్ ప్రెస్‌లు మరియు స్క్వాట్‌లు చేయగలరని, వేగంగా పరుగెత్తగలరని మరియు కార్బ్-రిన్సింగ్ తర్వాత మరింత అప్రమత్తంగా ఉంటారని ేకనుగొన్నారు.
అదేవిధంగా, ఇంటర్నేషనల్ జర్నల్ ఆఫ్ స్పోర్ట్స్ న్యూట్రిషన్ అండ్ ఎక్సర్సైజ్ మెటబాలిజంలో ప్రచురించబడిన ఒక అధ్యయనం ప్రకారం, 12 మంది పురుష అథ్లెట్లు కార్బ్ రిన్సింగ్ తర్వాత తక్కువ అలసటను అనుభవించారు.
ఫుట్‌బాల్ మాత్రమే ఎందుకు?
ప్రపంచకప్‌లో ఫుట్‌బాల్‌లో ఉమ్మివేయడం చట్టవిరుద్ధం కాదు. అయితే, ఒకరిపై ఉమ్మివేయడం రెడ్ కార్డ్ నేరం. క్రికెట్ మరియు రగ్బీ వంటి ఇతర క్రీడాకారులు కూడా ఉమ్మి వేస్తుంటారు. ఫుట్‌బాల్ ఆటగాళ్లకు ఉన్న క్రేజీ, మ్యాచ్ జరుగుతున్న సమయంలో ప్రతి ఆటగాడికి ఉండే కవరేజీ కారణంగా ఫుట్‌బాల్ ఆటగాళ్లు ఎక్కువగా ఉమ్ముతుంటారని అనిపిస్తుంది. అయితే క్రికెట్ తో పోలిస్తే ఫుట్‌బాల్ ఆడేందుకు ఆటగాళ్లు మ్యాచ్ జరుగుతున్నంత సేపు యాక్టివ్ గా పరుగెడుతూనే ఉంటారు.
