కిచెన్ హ్యాంగింగ్ గార్డెన్

1. చదరపు అడుగు వెడల్పు ఉన్న నాలుగైదు ట్రే లేదా డెకరేటివ్ పాట్ లను తీసుకోవాలి. ఇంటీరియర్ డెకరేషన్ కోసం వాడే పాట్ లతో యుటిలిటీ అన్నమాట. ప్రత్యేకంగా అడుగున చిల్లులున్న ట్రేలు దొరుకుతాయి. ట్రే లేదా పాట్ లో సారవంతమైన మట్టిని నింపి మొదట ప్రయోగాత్మకంగా ఒక దానిలో ధనియాలు, ఒక పాట్ లో మెంతులు చల్లాలి. ఇవి త్వరగా మొలిచి వంటకు అందివస్తాయి. నాలుగైదు రోజులకే కొత్తిమీర, మెంతిని వంటలో వాడుకోవచ్చు. దశల వారీగా రెండు పాట్ లతో గింజలు చల్లుకుంటే తరచు తాజా కొత్తిమీర, మెంతి ఆకు అందుతోంది.
2. అలాగే ఒక ట్రేలో టొమాటో విత్తనాలు, ఒక ట్రేలో మిర్చి విత్తనాలు వేసి అవి మొలకలు వచ్చే వరకు రోజూ నీటిని చల్లుతూ ఉండాలి. ఈ లోపు వాటిని నాటడానికి మరికొన్ని ట్రేలను సారవంతమైన మట్టి, ఎరువుతో సిద్ధం చేసుకోవాలి. మొలకలు కొంత పెద్దయిన తర్వాత ఆ నారును తీసి పలుచగా నాటాలి. ఇవి ఫలవంతం కావడానికి కనీసం నెల దాటాలి. నగర జీవితం మొక్కలకు స్థానాన్ని హరిస్తోంది అనుకుంటాం. కానీ మనసు ఉంటే మార్గమూ ఉంటుంది.