అలంకరణలతో ఎంతో ఆకర్షణీయం!

విండో అలంకరణలకు కర్టెన్లు, డ్రేప్స్, బ్లైండ్స్, షేడ్స్, షట్టర్స్, మొదలైనవి ఎన్నో ఉపయోగించవచ్చు. విండోలను సాధారణంగా ఇంటిలోకి అధిక వెలుగు, గాలి ప్రసరించటానికి ఉపయోగిస్తాం. కనుక వీటికి ఆకర్షణీయమైన రంగులు వేస్తే కూడా బాగుంటుంది. గదిలోకి వెలుగు బాగా ప్రసరించాలనుకుంటే పలుచగా వుండే కర్టెన్ మెటీరియల్ వాడితే బాగుంటుంది. నైలాన్ లేదా ఇతర ట్రాన్స్ పరెంట్ క్లాత్ మంచి అందాన్నివ్వటమే కాక కిటికీలోనుండి బయటకు చూస్తే బాగా కనపడుతుంది. విండోల అలంకరణకు వాడే మెటీరియల్ రంగు ఇంటిలోని ఇతర రంగులతో మ్యాచ్ అయ్యేలా చూడండి.

గాలి, వెలుతురుల ప్రసరణ కే కాక, బయటి దృశ్యాలు చూడటానికి కూడా విండోలు ఉపయోగపడతాయి. ఇంటికి ఎవరైనా వస్తే, ప్రవేశ ద్వారం తెరవకుండానే, విండోలో నుండి చూచి సురక్షితంగా సమాచారం పొందవచ్చు.