పూజామందిరం ఏర్పాటు ఎలా?!

By B N Sharma

Published: Monday, December 12, 2011, 15:20 [IST]

మన దేశంలో సాధారణంగా ప్రతి ఇంటికి ఒక పూజా మందిరం వుంటుంది. లేదంటే కనీసం ఇంటిలోని ఒక భాగాన్నైనా సరే పూజా స్ధలంగా ఏర్పాటు చేసుకుంటారు. కులమేదైనా, మతమేదైనా సరే ప్రతి ఒక్కరు ఈ పూజా మందిరంలో తగిన ప్రశాంతత పొదుతారు. కొంతమంది దీనిని ఇంటి ముంగిటే వుంచగా మరి కొందరు లివింగ్ రూమ్ లేదా కిచెన్ రూమ్ లలో ఏర్పరచుకుంటారు.

తులసి మొక్కను సైతం ఇంటి ముంగిట పెట్టి పూజలు చేస్తారు. సాధారణంగా పూజా మందిరాలు మార్బుల్ తో నిర్మించబడి వుంటాయి. విగ్రహాలు సైతం మార్బుల్ తో చేసినవయితే, చూచేందుకు కన్నుల పండువగా వుండి ఇంటి మొత్తానికే అలంకరణను తెచ్చిపెడతాయి. ఇక పూజాగది ముందుభాగంలోను, లోపల పెట్టిన విగ్రహాలకు పూలదండలు అలంకరిస్తే మరింతబాగుంటుంది.

పూజా గది చిన్నదైనా లేక పెద్దదైనా, లోపలి అలంకరణ దానికి ప్రధానం. పూజాగదిలో తగినంత లైటింగ్ ఏర్పాటు కూడా చేయాలి. సాధారణంగా మన దక్షిణాది ప్రాంతాలలో పూజాగదులను వాస్తు శాస్త్ర ప్రకారం ఇంటి ఈశాన్య భాగంలో నిర్మిస్తారు. గది నిర్మించేటంత స్ధలం లేకుంటే, కనీసం ప్రధాన ఇంటి లోనే ఈశాన్య మూలను దేవుని పూజలకు కేటాయిస్తారు. ఈ స్ధలాన్ని పవిత్రమైన స్ధలంగా భావించి అక్కడ పూజలు చేస్తే ఇంటికి మంచిదని చెపుతారు.