వింటర్ లో దుస్తుల సమస్యా?

Decor

oi-Nageswara

By B N Sharma

Published: Thursday, November 17, 2011, 12:46 [IST]

ఇంట్లో రెడీగా ఇచ్చేవారుంటే, రోజుకో డ్రస్ కాదు. ఫూటకి ఒక డ్రస్ వేసే వారుంటారు. కాని చలికాలం. ఎండ లేదు. సూర్యుడు తరచుగా సెలవులు పెట్టేస్తుంటాడు. కుటుంబ సభ్యులలో పిల్లలు, పెద్దలు అందరూ డైలీ ఒక డ్రస్ కావాలంటారు. ధోభీ వారమైనా కనపడడు. పిల్లలే కాదు, పెద్దలు కూడా ఈ రోజుల్లో జీన్స్ పేంట్లు వేస్తున్నారు. అవి త్వరగా ఎండవు. ఈ రకంగా ఉతికి ఆరేసిన దుస్తులు ఎండకుంటే ఇంటి గృహిణి బాధ వర్ణనాతీతం. అపుడు ఏం చేయాలో చూడండి... !

ముందుగా, గుడ్డలు డ్రైయ్యర్ లో వేసేటపుడు ఒకదానిపై మరొకటి అన్నీ ఒకేసారి వేయకండి. ఒకదాని తడి మరోదానికి అంటుతుంది. డ్రయ్యర్ లో వేసే ముందుగానే గుడ్డలను ఇంటి బయట ఎండలో లేదా ఇంటి లోపల గాలికి కొంతమేర ఆరపెట్టండి. ముందు వాటి తడి వాసన కూడా పోతుంది. వాటిని ఆరపెట్టేటపుడు ఒక వరుసలో వేయండి. ఇంటిలోపల అయితే, వెంటనే ఫ్యాన్ వేయండి. అన్ని రకాల గుడ్డలను డ్రయ్యర్ లో వేయలేము. సిల్క్ వంటివి జాగ్రత్తగా ఆరబెట్టాలి. వాటిని నీరంతా తీసేసి ఎండబెడితే త్వరగా ఆరిపోతాయి.

త్వరగా ఆరిపోవాలంటే ఇక డ్రయ్యర్ సహాయం తీసుకోండి. సాక్స్, బ్రాసరీలు, కర్చీఫ్ వంటి చిన్న గుడ్డలకు హెయిర్ డ్రయ్యర్ వంటివి వాడవచ్చు. లేదా రూమ్ హీటర్ వున్న గదిలో ఆరబెట్టవచ్చు. జీన్స్ వంటివి ఇంకా తడి వున్నప్పటికి వెంటనే కావాలంటే, ఐరన్ ఉపయోగించి ఐరన్ చేయండి. అయితే, అతిగా వేడి చేస్తే జీన్స్ గుడ్డ ఎలాస్టిసిటీ కోల్పోయే ప్రమాదం వుంటుందని గ్రహించండి.