పాతబడితే.? కొత్తకు ...ఐడియా వేయండి!

తొలగించండి - గత పదేళ్ళుగా గోడలమీద పెట్టిన వాల్ హేంగ్ లు లేదా షో పీసులు, లేదా గడియారాలు వంటివి అన్నీ తీసేయండి. ఆకర్షణీయమైన ఒక్క పెయింటింగ్ పెడితే చాలు. చూసే వారి శ్రధ్ధ అంతా దానిమీదే వుండి బాగుందనిపిస్తుంది.

ఫర్నిచర్ స్ధలాలు మార్చండి - ఇంటిలోని సోఫా, ఫ్రిజ్ వంటివి ఏళ్ళ తరబడి ఒకే చోట పెట్టేస్తూంటాం. ఇటువంటి వాటిని ఇంటిలో మరో చోట మరో దిశగా పెట్టి నూతనత్వం ఏర్పరచండి. కనీసం వీటిని అక్కడనుండి తొలగించేటపుడైనా ఇల్లు శుభ్రం బాగా చేసుకోవచ్చు.

రంగు వేయండి - సొమ్ము ఖర్చు పెట్టి ఇల్లంతా రంగులు వేయనవసరంలేదు. కొత్త ఐడియాగా ఇంటి లివింగ్ రూమ్ లో ఒకే ఒక గోడను బ్రైట్ కలర్ తో రంగువేయించండి. ఆ గది మొత్తానికి అదే ప్రత్యేకత.

కొత్తగా ఆలోచించండి - ఇంటి రూపం మారిపోయే ఆలోచన ఒకటి చేయండి. ఫర్నిచర్, పెయింట్ వంటివి కాకుండా, అందమైన కర్టెన్లు గదిలో విండోలకు, తలుపులకు వేసి కొత్త లుక్ తీసుకురండి.

తక్కువ ఖర్చుతో - తక్కువ ఖర్చుతో చిన్న చిన్న మార్పలు చేయండి. టేబుల్ కవర్, లేదా ఫ్రిజ్ కవర్, టేబుల్ మ్యాట్స్, సెంటర్ పీస్ వంటివి కొత్తవి వేయండి.

లైట్స్, కెమేరా, యాక్షన్ - ఇంట్లో వుండే లైటింగ్ మార్చినా కొంత మార్పుగా వుంటుంది. మామూలు బల్బుల స్దానంలో సిఎఫ్ఎల్ ల్యాంపులు లేదా ట్యూబ్ లైట్లు వేయించండి. ఛాండిలీయర్ లో మామూలు బల్బులకు బదులు, సిఎఫ్ ఎల్ బల్బులు పెట్టి ఇల్లంతా తెల్లటి కాంతిమయం చేయండి.

ఈ అలంకరణ చిట్కాలు పాటిస్తే, ఇంటి స్వరూపం మారి మీలో కొత్తదనం పుట్టుకొస్తుంది.