ఆధునిక వంటగది అలంకరణ....

ఆధునిక వంటగది తీరు, వాటి డిజైన్లు -
ఆధునిక కిచెన్ గోడలకు అందమైన టైల్స్ లేదంటే చక్కని కిచెన్ కేబినెట్లు వివిధ రంగులు, రూపాలలో మార్కెట్లో రెడీమేడ్ గా లభిస్తున్నాయి. తగినంత జాగా వుండాలేగాని కిచెన్ లో వివిధ రకాల కేబినెట్లకు స్ధానం కల్పించవచ్చు. పని చేసే స్ధలాన్ని పెంచుకొని, నడిచే ప్రదేశాన్ని తగ్గించవచ్చు. ఉపయోగమూ, స్టైలూ రెండూ కలిపిన రీతిలో కిచెన్ డిజైన్ చేసుకోవాలి.

కిచెన్ లో చేసే పని మీ కుటుంబంలోని వారికి ఆహ్లాదాన్ని కలిగించే రీతిలో చక్కటి గాలి వెలుతురులతో వుండాలి. సహజమైన వెలుతురు లేకుంటే, కంటికి చల్లగా వుండే ఫ్లోరసెంటు బల్బులను వాడండి. కిచెన్ లోని కేబినెట్లకు లేదా గోడలకు కంటికింపైన చల్లని రంగులు వాడండి. నేటి రోజులలో కిచెన్ ప్రదేశంలో రెండు లేదా మూడు రంగులు కూడా వాడుతున్నారు. కిచెన్ కు ముందరి భాగంలో 'ఓపెన్ కిచెన్ ' అన్న పేరుతో మరో చిన్న కిచెన్ లివింగ్ రూమ్ కు కనపడేలా డిజైన్ చేస్తున్నారు. కిచెన్ కేబినెట్లు కలప లేదా లామినేషన్ తో తయారు చేసుకోవచ్చు. లామినేషన్ చేసిన కప్ బోర్డులైతే శుభ్రం చేయటం తేలిక. ఎపుడైనా ఒకసారి వాటిని శుభ్రం చేస్తూ వుంటే చాలు ఎల్లపుడూ తళతళలాడుతూనే వుంటాయి. దీర్ఘకాలిక మన్నిక కూడా వుంటుంది.