ఇంటి రంగులో మీ భవిష్యత్తు!

Decor

oi-Nageswara

By B N Sharma

Published: Friday, December 9, 2011, 11:49 [IST]

నీలం రంగు ఇంట్లో వుండే వారు ఇతర రంగుల ఇళ్ళలో వుండే వారికంటే అధికంగా సంపాదిస్తారని అన్నిటా విజయవంతులవుతారని ఇంగ్లండ్ లో చేసిన ఒక స్టడీ చెపుతోంది. సుమారు మూడు వేల నీలం రంగు ఇండ్లలో వున్న యజమానుల స్ధితిగతులు పరిశీలిస్తే, సంవత్సరానికి 38 వేల పౌండ్ల ఆదాయం, కనీసం రెండు విదేశీ ట్రిప్పులు, రెండు ప్రమోషన్లు, అవి కూడా డైరెక్టర్ లేదా మేనేజర్ స్ధాయిలో వున్నట్లు కనుగొన్నారు. ఇక వీరిలో 14 శాతం, ఇంటికి అతిధులు వస్తే కుక్ ని పెట్టుకోడం, 11 శాతం సర్వెంట్ ని పెట్టుకోడం, 8 శాతం మంది తమ పిల్లలకు నానీ లను కూడా పెట్టినట్లు 'ది టెలిగ్రాఫ్' పత్రిక పేర్కొంది.

ఇంటి రంగు మీ కెరీర్ విజయానికి సహకరిస్తుందని పరిశోధకులు చెపుతున్నారు. గ్రీన్ కలర్ ఇండ్లలో వుండే వారి పరిస్ధితులు సరిగా వుండవట. ఆదాయం కూడా తక్కువే. వీరంతా ఏదైనా రీటైల్, లేదా హోల్ సేల్ వ్యాపారాలలో పని చేస్తూ, సెకండ్ హాండ్ ఫోర్డ్ లేదా వోక్స్ వేగన్ మాత్రమే మెయింటెయిన్ చేస్తున్నారట.

సర్వే మేరకు వార్షికంగా......నీలం రంగు ఇంటి యజమాని ఆదాయం 38 వేల పౌండ్లు, రెడ్ 23,500 పౌండ్లు, వైట్ 23,400 పౌండ్లు, మేగ్నోలియా 23,100 పౌండ్లు, బీజ్ 20,800 పౌండ్లు, ఆరెంజ్ 20,000 పౌండ్లు, పర్పల్ 19,600 పౌండ్లు, గ్రే 19 వేల పౌండ్లు ఎల్లో 18,500 పౌండ్లు, బ్రౌన్ 18,400 పౌండ్లు, పింక్ 14,500 పౌండ్లు, గ్రీన్ 13,100 పౌండ్లు సగటు ఆదాయంగా వుందని సర్వే తెలిపింది.