ఇంటి మీద వ్యక్తి అభిరుచిని తెలిపే సేప్టీ గ్లాస్...

Decor

oi-Saraswathi

By Sindhu

Published: Saturday, January 21, 2012, 14:51 [IST]

మేడలలో..మిద్దేలలో.. సుఖం ఉంటుందని కాదు పూరి గుడిసేలోను ఆనందంగా ఉండవచ్చు. ఇల్లు ఎండా-వాన నుండి రక్షణే కాదు. మనిషికి చిరునామా.. జీవితాని ఓ..భద్రత.మనసుకి నిశ్చింత. ప్రతి ఒక్కరికి తమ జీవితంలో సొంత ఇల్లు అనేది ఒక కల. ఆ కల కొంత మందికి స్వంత మవుతుంది. మరి కొందరికి కలగా మిగిలిపోతుంది. తాము కట్టుకోబోయే ఇల్లు ఇలా ఉండాలి అలా ఉండాలి అని కలలు కంటూ ఉంటారు. అసలు ఇల్లు అంటే ఎలా ఉండాలి. ప్రస్తుత జీవన స్రవంతిలో రకరకాలుగా ఇల్లు కట్టడాలు...తమ తమ అభిరుచులకు తగ్గట్టు కట్టుకొంటున్నారు.

1. సొంత ఇంటికైనా, ఆఫీసు కైనా వన్నెతెచ్చే ఆధునిక అలంకరణ సామగ్రిలో 'సేఫ్టీ గ్లాస్"‌లకు ప్రస్తుతం ఎంతో ప్రాముఖ్యత ఉంది. ఇప్పుడు మార్కెట్లో రెండు రకాల సేఫ్టీ గ్లాస్‌ (అద్దాలు)లు లభిస్తున్నాయి. ఇవి టెంపర్డ్ మరియు లామినేటెడ్ అద్దాలుగా పేరు పొందాయి.
2. ఇంట్లోగానీ, కార్యాలయాల్లోగానీ అరలు అరలుగా చేయాల్సి వస్తే టెంపర్డ్ గ్లాస్‌ ని వాడొచ్చు. అదే పెద్ద పెద్ద భవనాలకయితే ల్యామినేటెడ్‌ వి చక్కగా నప్పుతాయి.
3. సాధారణ అద్దాల కంటే ఐదు రెట్లు మన్నికతో బలంగా ఉండే ఈ సరికొత్త అద్దాలు పగిలిపోవని చెప్పలేం కాని, ప్రాణహాని కలిగించకుండా ఉంటాయి. ఈ సేఫ్టీ గ్లాస్ పటిష్టతను డిగ్రీల రూపంలో నిర్ణయిస్తారు. ఈ మేరకు గ్లాస్ మీద కోడ్ నెంబర్లను ముద్రిస్తారు.
4. గ్లాస్ మందం ఎంత ఏరియాకు సరిపోతుందన్న వివరాలు కంపెనీలే అందచేస్తాయి. సరైన స్థానంలో సరైన మందం ఉన్న టెంపర్డ్ లేదా ల్యామినేటెడ్ అద్దాలను వాడితేనే ప్రయోజనం ఉంటుందని డిజైనర్లు అభిప్రాయపడుతున్నారు. ఇల్లు లేదా ఆఫీసు కట్టాలనుకుంటే ఈ సరికొత్త తరహా గ్లాస్‌లను అమర్చేందుకు ఏ మాత్రం వెనుకాడాల్సిన పనిలేదు.