ఇంట్లో కార్పెట్..ఫర్నీచర్ శుభ్రత...?

Published: Monday, February 6, 2012, 14:58 [IST]

How to Clean wet carpet and Furniture...

చలికాలంలో తేమ వల్ల లోహ, చెక్క గృహోపకరణాలు పాడైపోతుంటాయి. చలికాలంలో కాళ్ళకు చలిపెట్టకుండా కార్పెట్ కానీ, చెక్క ఫ్లోర్ కానీ వేస్తారు. (నాప) రాయి వేస్తే పాదాలకు బాగా చలి పెడుతుంది కాబట్టి సాధారణంగా వెయ్యరు. వేసినా వంటగది, బాత్ రూముల్లో మాత్రమే వేస్తారు. ఎడతెరపని జల్లులు, ఎప్పుడూ తేమగా ఉండటంట చేత ఎన్నో సమస్యలు ఎదుర్కోవాల్సి వస్తుంది. ఆ సమస్యలనుండి బయటపడాలంటే కొద్దిపాటి జాగ్రత్తలు అవసరం.

1. కార్పెట్‌ లను శుభ్రపరిచి.. దాచిపెట్టాలి. వాటికి బదులుగా ప్లాస్టిక్‌ షీట్లు పరచాలి. అలానే గుమ్మం దగ్గర చిన్నగా ఉన్న వెదురు చాపలు లేదా తేమను పీల్చుకునే మందపాటి గోనె సంచులు వేస్తే బురద, తేమతో ఇబ్బందులుండవు.
2. ఇకపోతే పాతకాలం నాటి ఫర్నీచర్ లాంటివి ఏమైనా మీ గృహంలో ఉన్నట్లయితే... ఆ గదిలో "డీహ్యూమిడిఫయర్" ఉంచటం మంచిది. అలాగే ఫెస్ట్ కంట్రోల్ సేవలు మరీ మంచిది. ఇలా చేయడం వల్ల ఇంట్లో చెదలు, ఎలుకలు, బొద్దింకలు, బల్లులతో సమస్యలు రాకుండా చూసుకోవచ్చు.
3. గుమ్మాలకు, కిటికీలకు పలుచని వస్త్రాలను కట్టాలి. ఎందుకంటే ఎండ సమయంలో సూర్యకిరణాలు, వెలుతురు లోపలికి ప్రసరిస్తాయి. గదిలో తేమ లేకుండా పొడిగా అవుతుంది.
4. ఇంట్లో అలంకరణకు పచ్చటి మొక్కలను ఆచితూచి ఎంచుకోవాలి. అవి తేమను ఎక్కువగా విడుదల చేస్తాయి. కాబట్టి అలంకరణ కోసం ప్లాస్టిక్‌ ఉత్పత్తులను ఎంచుకోవడం మేలు. కాషాయం, పసుపు, ఎరుపు రంగులతో కూడిన అలంకరణ సామగ్రి ఇంటికి అందాన్నిస్తాయి. ముదురు రంగులు నప్పవు.. వాటిమీద దుమ్ము కనిపిస్తుంది కాబట్టి ఎప్పటికప్పడు శుభ్రపరచుకోవాల్సి ఉంటుంది.
5. వార్డ్ రోబ్‌లు, కప్‌బోర్డులు లాంటి వాటిని గోడలకు కనీసం ఆరు అంగుళాల దూరంలో ఉండేలా అమర్చుకోవాలి. లేకపోతే వర్షాకాలంలో గోడలు తడవటంతో అవి చెమ్మగిల్లి పాడైపోయే ఆస్కారం ఎక్కువగా ఉంటుంది. చెక్క కప్‌బోర్డుల్లో, అల్మరాల్లో కర్పూరాన్ని వేయాలి. అది తేమను పీల్చుకుంటుంది. చెక్క భద్రంగా ఉంటుంది. దుస్తుల్లో లవంగాలు, వేపాకు వేస్తే అరోమా వాసనలు వస్తాయి.
6. వెదురునేల మీద మైనంతో పూత వేస్తే తేమను పీల్చుకోకుండా ఉంటుంది. అలానే కార్పెట్‌ను ప్రతిరోజూ వాక్యూమ్‌ క్లీనర్‌తో శుభ్రపరచాలి. ఇంటికి వెంటిలేషన్‌ ఎక్కువగా ఉండేలా చూసుకోవాలి. దానివల్ల తేమ గాలి బయటకు వెళ్లి, తాజా గాలి లోపలికి వస్తుంది.