ఇంటి తలుపులను ఆకర్షనీయంగా తీర్చిదిద్దుకోండిలా

1. ఇంటికి వాడే తలుపులపై వివిధ రకాల డిజైన్లను మీరు రూపొందించుకోవచ్చు. తలుపుల మీద మీ పేర్లనే కాదు… మీకు నచ్చిన బొమ్మలను కూడా డిజైన్ చేయించుకోండి.
2. ఇంటి సింహ ద్వారానికున్న తలుపుకు మీ పేరును చెక్కించుకోండి లేదా నేమ్ ప్లేట్ చేయించి దానిని తలుపులోనే ఇమిడేటట్లు చూడండి.
3. పూజ గదికి మీ కిష్టమైన దేవుని ప్రతిమ, పిల్లల గదికి కార్టూన్లు కలిగిన బొమ్మలను చెక్కించండి. వంట గదికి కూరగాయలు లేదా పండ్లు కలిగిన డిజైన్‌ తో కూడుకున్న బొమ్మలను చెక్కించుకోండి.
4. ఇంటి నిర్మాణం చేపట్టేటప్పుడు మీరు వాడే కొయ్య ఒకే రకానికి చెందినదై ఉండేలా చూసుకోండి. వీటితో పాటు గ్లాస్ కాంబినేషన్ ఉంటే ఇంటికి మరింత అందం చేకూరుతుందంటున్నారు ఇంటీరియర్ డెకొరేటర్స్.
5. తలుపుల నుంచి కిర్రుమనే శబ్దం వినని వారు అరుదుగానే ఉంటారు. ఈ కిర్రు శబ్దాల వల్ల ఏకాగ్రత దెబ్బతినటమేగాక, ఒక్కోసారి చికాకూ కలగవచ్చు. అలాంటప్పుడు తలుపు కింద శ్యాండ్‌ పేపర్‌ పెడితే ఈ సమస్యకు తాత్కాలిక పరిష్కారం లభిస్తుంది. తలుపు మడతబందులో తరచూ నూనె పోస్తే ఇలాంటి శబ్దాలు విన్పించవు. నూనె వల్ల కార్పెట్‌పై మరకలు పడతాయని అనుకుంటే, పెట్రోలియం జెల్లీ వాడినా ప్రయోజనము ఉంటుంది.