అధ్భుతంగా ఎగబాకే అందాల మొక్కలు!

పాకే మొక్కలు పరిశీలిస్తే....
విస్టీరియా సైనెన్సిస్ మొక్క: దీని పూలు మంచి సువాసనతో వంగపండు రంగు కలిగి వుంటాయి.చలికాలంలో బాగా పూలనిస్తుంది. కాండానికి మంచి సపోర్టు కావాలి. త్వరగా ఎదిగే మొక్క కనుక ఎప్పటికపుడు కొమ్మలు కత్తిరించి అందంగా చేయాలి.

వర్జినియా పాకుడు మొక్క: పచ్చటి ఆకులు, రంగు రంగుల పూలు కలిగి చలికాలంలో బాగా పెరిగే మొక్క ఇది. ఒక్కసారి ఈ మొక్క దేనికైనా అతుక్కొని పాకిందంటే దానిని విడదీయటం కష్టం కనుక ముందుగానే దీనికి తగిన ప్రదేశం ఎంపిక చేయాలి.

ప్లంబాగో: చక్కగా పాకే ఈ తీగ మొక్క నేలంతా బాగా విస్తరిస్తుంది. నీలి రంగు పూలగుత్తులు కలిగి వుంటుంది. అన్ని కాలాలలో పెరుగుతుంది.

క్రిమ్సన్ గ్లోరీ వైన్: బాగా విస్తరించే తీగ మొక్క. ఎదగడానికి దీనికి తగినంత ప్రదేశం కావాలి. దీని ఆకులు హృదయ ఆకారంలో గాఢ ఆకుపచ్చగా వుంటాయి. దీనిని గోడలపైనా లేక ఫెన్సింగ్ పైనా లేక చెట్లపైనా పెంచవచ్చు. ఈ మొక్కకు కొద్దిపాటి సూర్యరశ్మి చాలు.