గాలి, నీరు అందితే...ఎదుగుదల అద్భుతం!

మొక్క మంచి ఎదుగుదల చూపటానికిగాను సరైన కుండీల ఎంపికలు చేయాలి. మొక్క వేళ్ళు బలంగా, ఆరోగ్యంగా వుండాలంటే, పోసిన నీరు త్వరగా మట్టి ద్వారా బయటకు పోతుండాలి. నీరు బయటకు పోగానే దాని స్ధానంలో మట్టిలోకి గాలి చొరబడుతుంది. మొక్క వేరు భాగాలు కార్బన్ డై ఆక్సైడ్ పీలుస్తాయి. మొక్క బాగా ఎదగాలంటే ఈ ప్రక్రియ సవ్యంగా సాగాలి.

మొక్క కుండీల ఎంపికలో అవి పెట్టే ప్రదేశం, వాటి బరువు, అవి ఏ రకమైన మెటీరియల్ తో తయారయ్యాయి అనే అంశాలు పరిశీలించాలి. మట్టి కుండీలు బరువుగా వుండి పగులు చూసే అవకాశం వుంది. టైల్స్ వేసిన కుండీలలో నీరు సరిగా పీల్చకపోవచ్చు. నేడు ఆధునికంగా వచ్చే ప్లాస్టిక్ మొక్క కుండీలు తేలికగాను, చవకగాను అనేక రంగులలో కూడా లభిస్తున్నాయి. అయితే, అధిక వాడకం కారణంగా ఇవి కూడా పగిలే అవకాశం వుంది. అయినప్పటికి వ్యయం, మెయింటెనెన్స్ రీత్యా ఇవి సూచించదగినవే. చెక్క కుండీలయితే, మొక్క నీరు పీల్చుకోవడం తేలికే కాని ఇవి ఖరీదైనవిగా వుంటాయి. వీటిలో పెట్టే మొక్కలను ప్లాస్టిక్ బ్యాగులలో వుంచి పెట్టాలి. అటువంటపుడు మొక్కల వేళ్ళకు సరైన గాలిపోయే సౌకర్యం కూడా వుండాలి.