పచ్చదనమే కాదు....పోషకాలు కూడాను!

కాక్టస్ మొక్క లోని జిగురు పదార్ధం నీటిని నిల్వ చేసుకోటానికి ఉపయోగపడుతుంది. పరిశోదకులు ఈ జిగురును నీటిలో కలిపితే నీటిలో ఎంతో అధికంగా వున్న అవశేషాలు, బాక్టీరియా వంటివి పలుచబడిపోయినట్లు చెపుతున్నారు. ఈ అవశేషాలన్నీ నీటి అడుగుకు చేరిపోయాయని తెలిపారు. ఈ ప్రక్రియలో నీటిలోని కలుషితాలు పూర్తిగా పోయి సుమారుగా 98 శాతం బాక్టీరియా నశించిందని నీటిని శుశ్రపరిచే టెక్నాలజీలో కాక్టస్ మొక్క జిగురు ప్రధాన పాత్రగా గుర్తించారని అల్కంట్రా తెలిపారు.

కాక్టస్ మొక్కలో ఆకు కూరలలో వున్న పోషకాలు...విటమిన్లు, మినరల్స్ కూడా పుష్కలంగా వున్నాయని, ఈ పోషకాలు కూడా నీటిలో కరిగిపోతున్నాయని, కాక్టస్ తో శుభ్రపరచిన నీటిలో పొటాషియం, మెగ్నీషియం, ఐరన్, విటమిన్లు ఎ మరియు సి వంటివి కూడా లభించాయని పరిశోధకులు తెలిపారు. కనుక మనం సాధారణంగా పచ్చదనంకోసమే పెంచే కాక్టస్ మొక్క పచ్చదనమే కాదు ఎన్నో రకాల ఇతర ప్రయోజనాలను కూడా అందిస్తోంది.