For Quick Alerts
ALLOW NOTIFICATIONS  
For Daily Alerts

దుస్తులపై పడిన మొండి మరకలు తొలగించడం ఎలా?

దుస్తులపై పడిన మొండి మరకలు తొలగించడం ఎలా?

|

బట్టల పై పడే మరకలను తొలగించడానికి ఎన్నో చిట్కాలు ఉపయోగిస్తుంటాం. ఒక్కోసారి కొన్ని మొండి మరకలు అంత త్వరగా వదలవు. సిరా, రక్తం, కాఫీ, గ్రీజు మరియు రస్ట్ మరకలు మొండి మరకలు. వీటిని తొలగించేటప్పుడు ఈ కింది చిట్కాలను పాటీంచి చూడండి. అయితే ఒక మరకపై పనిచేసిన చిట్కా మరొక రకమైన మరకపై పనిచేయకపోవచ్చు.

సిరా మరక : దుస్తులపై పడిన సిరా మరక తొలగించాలంటే మరక పై హెయిర్ స్ప్రే ను స్ప్రేచేసి అయిదు నిముషాల పాటూ ఆగి ఉతికి చూడండి. ఒకవేళ బట్ట ఆరడానికి డ్రయ్యర్ వాడుతున్నట్లయితే మరక పూర్తిగా పోయిందో లేదో చూసి మరీ డ్రయ్యర్ లో వెయ్యండి, లేకపోతే డ్రయ్యర్ లో వేడికి బట్టపై శాశ్వతంగా మరక మిగిలిపోతుంది.

How to Remove Hard Stains in Clothes

రక్తం మరకలు: ముందుగా రక్తం మరక పడిన బట్టను వెంటనే చల్లటి నీటిలో నానబెట్టాలి.ఆ పైన వైట్ వెనిగర్ తో శుభ్రపరచి శుభ్రమైన మరొక బట్టతో మరక ఉన్న బట్టను రుద్దకుండా అదిమి పట్టాలి. పూర్తిగా రక్తం మరకు ఇంకిపోయే వరకు అదిమిపట్టుకుని ఆపైన వెనిగర్ వాసన పోయే దాకా నీళ్లల్లో జాడించాలి.

కాఫీ మరకలు: దుస్తులపై పడిన కాఫీ మరకను తొలగించడానికి బొరాక్స్ మరియు నీరు కలిపి పేస్ట్ తయారు చేసుకుని ఆ పేస్ట్ ను మరకపై రాయాలి. ముప్పై నిముషాల తర్వాత నీళ్ళలో జాడించి బట్టను ఉతిక్కుంటే కాఫీ మరక మాయం అవుతుంది.

గ్రీజు మరకలు: గ్రీజు అంటుకుంటే ఓ పట్టాన వదలదు. రబ్బింగ్ ఆల్కహాల్ ను మరక పడిన చోట రాయాలి. ఒక శుభమైన బట్టతో రుద్దకుండా జాగ్రత్తగా మరక దాదాపుగా పోయే వరకు అదిమి పట్టుకోవాలి.ఆ తర్వాత గిన్నెలు తోముకునే డిటర్జెంట్ ను పూసి కొద్ది నిముషాలపాటు వదిలేసి ఆ పైన నీళ్ళలో జాడించి ఉతికితే గ్రీజు మరకను పోగొట్టవచ్చు.

తుప్పు మరకలు: తుప్పు మరక పడిన బట్టపై క్రీం ఆఫ్ టార్ టార్ ధారాళంగా జల్లి బట్టను మడిచి ఉంచాలి. బకెట్ లో వేడి వేడి నీళ్ళలో ఆ బట్ట పూర్తిగా మునిగే వరకు 5 నిముషాలపాటు ఉంచాలి. ఆ తర్వాత నీళ్ళలో జాడించి ఉతికితే తుప్పు మరక పోతుంది.

English summary

How to Remove Hard Stains in Clothes | దుస్తులపై మొండి మరకలు తొలగించడం ఎలా?

Some laundry stains are more difficult to treat and remove than others. The most stubborn stains include ink, blood, coffee, grease and rust. While tackling one or more of these stains, keep in mind that what works for one won't necessarily work for another.
Desktop Bottom Promotion