మీ ఆఫీస్ డెస్క్ ఎలా సర్దుకోవాలి?

Improvement

oi-Nageswara

By B N Sharma

Published: Monday, October 3, 2011, 9:08 [IST]

మీ ఆఫీస్ డెస్క్ ఎలా వుండాలంటే అది మీ పనితీరుపై చక్కటి ప్రభావాన్ని చూపాలి. రోజులో చాలా సమయం ఆఫీస్ డెస్క్ పైనే గడుపుతూంటాం. కనుక ఈ ప్లేస్ లో మనకు ఎట్టి అవరోధాలు వుండరాదు. సాధారణంగా మన ఇల్లు, గుడ్డలు అన్నీ చక్కబెట్టుకుంటాం. కానీ ఆఫీస్ డెస్క్ ని మాత్రం బాగా అశ్రద్ధ చేస్తూ వుంటాం. ఫైళ్ళ గుట్టలు, పనికిరాని అనేక వస్తువులు అన్నీ ఆఫీస్ డెస్క్ పైనే చేరుతుంటాయి. మన పని వాతావరణం ఎలా వుందనేది మన పని సమర్ధతను తెలియజేస్తుందంటారు పరిశోధకులు. మరి పని తీరును మెరుగుపరచుకోవాలంటే ఆఫీస్ డెస్క్ ఎలా సర్దుకోవాలనేది చూద్దాం.

పనికిరాని వస్తువులన్నీ తీసేయండి. అనవసరమైన వన్నీ దూరంగా ఒక చోట పెట్టండి. ఎందుకంటే ఆఫీస్ గది ఇరుకుగా చిన్నగానే వుంటుంది. మరి వున్నదాంట్లోనే నీట్ గా పెట్టుకోవాలి. కనుక పాత రికార్డు, నోట్ బుక్ లు అన్నీ దూరంగా వేరే ప్లేస్ లో పెట్టేయండి. భవిష్యత్తులో ఎప్పటికైనా ఉపయోగపడుతుంది..అనుకుంటే కంప్యూటర్ లో ఒక కాపీ పెట్టుకోండి. నేటి రోజుల్లో అన్నీ కాగితాల రూపంలోనే వుండాల్సిన అవసరం లేదు. మీ చెత్త బుట్టను రెగ్యులర్ గా శుభ్రం చేయండి. వారానికోసారి పనికిరానివన్నీ బయట వేయాలని నిర్ణయించుకోండి. తినే పదార్ధాలేవీ మీ డెస్క్ పై వుంచకండి. అసహ్యమైపోతుంది. ఒక టేబుల్ మ్యాట్ వేసి దానిపై మీరు తినే స్నాక్స్ లేదా కాఫీ మగ్గు వంటివి వుంచండి. ఇలా చేస్తే కాఫీ మరకలవంటివి మీ డెస్క్ పై పడకుండా వుంటాయి.

ఎప్పటికపుడు మీకవసరమైన ప్రోగ్రాములు తెలిపే పేపర్ బోర్డు చక్కగా వుంచండి. దానిపై గల పాత నోటీసులు వుంటే తీసి కొత్తవాటికి సౌకర్యం చేయండి. వీలైనంతవరకు ప్రధానమైన అంశాలే మీ పేపర్ బోర్డుపై వుంటే వాటిని మీరు మిస్ అవకుండా వుంటారు. పని అయిపోయిన తర్వాత రోజు చివరలో ఒకసారి మీ డెస్క్ శుభ్రపరచుకోవాలని నియమం పెట్టుకోండి. దీనితో మరుసటి రోజు చక్కని టేబుల్ పై మీరు పని ప్రారంభించుకోటానికి ఆహ్లాదంగా వుంటుంది.

ఈ నిర్వహణా చిట్కాలు పాటిస్తే మీరు సమర్ధవంతంగా పనిచేసే అవకాశం వుంటుంది.