వార్డ్ రోబ్ ఎలా సర్దు కోవాలి?

1. ఇప్పటివరకు వేస్తున్న చేతులు లేని టాప్ లు, పేంట్లు వంటివి వార్డ్ రోబ్ నుండి తీసేయండి. చలికాలం వచ్చేసింది కనుక మీకుగల స్వెట్టర్లు, లెదర్ జాకెట్లు వంటివి అందులో పెట్టండి.
2. తరచుగా వాడని దుస్తులు కూడా వార్డ్ రోబ్ నుండి తీసేయండి. ఇక మీరు వార్డ్ రోబ్ లో పెట్టాలనుకున్న దుస్తులను పై అరనుండి కింది వరకు పెట్టుకుంటూ రండి.
3. జాకెట్లు, స్కార్ఫ్ లు వంటివి హేంగర్లకు వేస్తే తీసుకోవడం తేలిక. అవి కూడా నలగకుండా వుంటాయి.
4. జీన్సు, పేంట్లు వంటివి వార్డ్ రోబ్ లో ఒక మూల పెట్టండి. జీన్స్ వంటి మందమైన గుడ్డలను వరుసకు నాలుగు లేదా అయిదుకు మించి పెట్టకండి.
5. టీ షర్టులన్ని ఒక చోట ఉంచండి. అనవసరమైన టాప్ లన్ని తీసేసి కొత్త దుస్తులకు చోటు కల్పించండి.
6. తరచుగా ధరించే దుస్తులు వార్డ్ రోబ్ లో ముందు వరుస పెట్టండి.
7. పార్టీలకు వేసుకు వెళ్ళే దుస్తులు ప్రత్యేక కవర్లలో పెట్టి వుంచితే, శుభ్రంగాను, నలగకుండాను వుంటాయి. ప్రతిసారి డ్రైక్లీనింగ్ కు వేయాల్సిన పనికూడా వుండదు.

ఇక అన్ని సర్దిన తర్వాత వార్డ్ రోబ్ అరలలో తగినన్ని కలరా వుండలను వేయటం మరచిపోకండి. ఇవి మీ దుస్తులను పురుగుల బారినుండి, చెడు వాసనలనుండి కాపాడతాయి.