మొండి మరకలు సైతం మటుమాయం!

1. మైక్రోవేవ్ - ఈ ఆధునిక కిచెన్ ఉపకరణాన్ని బేకింగ్ సోడాతో క్లీన్ చేయవచ్చు. దీనిలోపల అంతా స్టీల్ మెటల్. ఘాటైన దీనిలోని వాసనలు పోవాలంటే, బేకింగ్ సోడాను నిమ్మరసంతో కలిపి బాగా రుద్దండి.

2. కిచెన్ స్లాబ్ - వంటలు చేయడంలో కిచెన్ స్లాబ్ పై రకరకాల మరకలు ఏర్పడతాయి. ఈ మరకలపై బేకింగ్ సోడా చల్లండి. పది నిమిషాలు వుంచి వేడి నీటిలో ముంచిన గుడ్డతో గట్టిగా తుడిచేయండి.

3. మాడిపోయిన గిన్నెలు - కొన్ని ఆహారాలు గిన్నెలలో మాడి అడుగున నల్లగా ఏర్పడతాయి. అటువంటపుడు గిన్నెలు తీసివేయడం కూడా చేస్తాము. అయితే ఈ గిన్నెను బేకింగ్ సోడా, వేడినీరు కలిపిన ద్రావణంలో రాత్రంతా నానపెట్టండి. ఉదయం సోప్ నీటితో కడిగేయండి. తళ తళలాడుతుంది.

4. రిఫ్రిజిరేటర్ - బేకింగ్ సోడాతో రిఫ్రిజిరేటర్ కూడా శుభ్రం చేయవచ్చు. ఒక కప్పులో నిండా బేకింగ్ సోడా వుంచి ఫ్రిజ్ లో వుంచితే ఫ్రిజ్ చెడు వాసన కొట్టదు.

5. కిచెన్ సింక్ , బాత్ రూమ్ వాష్ బేసిన్ - ల వద్ద సాధారణంగా గొట్టాలలో చెత్త అడ్డం పడి నీరుపోదు. అటువంటపుడు బేకింగ్ సోడా వేడినీటిలో కలిపి పోస్తే పది నిమిషాలలో ఆ అడ్డంకి తొలగి నీరు బయటకుపోతుంది.

6. కార్పెట్లు - కార్పెట్లపై పడిన మరకలను బేకింగ్ సోడావేసి పది నిమిషాలు వుంచి వాక్యూమ్ క్లీనర్ తో శుభ్రపరిస్తే మురికి వాసన రెండూ పోతాయి.

7. సిల్వర్ - ఇంటిలోని వెండి వస్తువులు శుభ్రపరచాలంటే...బేకింగ్ సోడా, నీటితోకలిపి ఒక పేస్టులా తయారు చేసి రుద్దండి, వేడి నీటితో కడిగేయండి. కొత్తవిలా మెరుస్తాయి.