ఇల్లు అద్దెకిస్తే జాగ్రత్తలు?

అన్ని నియమ నిబంధనలతో కూడిన ఒక ఎగ్రిమెంటు ఒకటి ఇద్దరి మధ్యా వుండాలి. ఇంటిలో అధికంగా శబ్దాలు కూడా రాకూడదని ముందుగానే చెప్పుకోవాలి. ఆహారం విషయంలో శాకాహారులా? మాంసాహారులా అనేది కూడా చెక్ చేయాలి. అద్దెలకున్నవారు గేటులోనించి రాత్రులందు వచ్చే సమయాలు కూడా నిర్ణయించుకోవాలి. ఒక వేళ ఆలస్యం అయితే, ముందుగా మీకు చెప్పమనాలి. ఇంటి శుభ్రత కై ప్రతిరోజూ చెత్త బయట వేయడం, ఇల్లు క్లీన్ చేయడం వంటివి కూడా చేయాలని చెప్పాలి. వారింటికి అతిధులు వచ్చి రాత్రి పూట వుండే వారయితే, ముందుగా మీకు తెలియపరచాలని కోరాలి.

అవసరమైతే, మీరు అద్దెకిచ్చే ఇంటిని ఫొటోలు తీసి పెట్టుకోండి. డ్యామేజీలు వంటే ఆ వ్యయం ఇవ్వాలని కోరండి. ఈ రకమైన నిబంధనలు పెట్టిన తర్వాత మీ హక్కులు కూడా పూర్తిగా తెలుసుకోండి. అద్దెకు వచ్చే వారి గురించి పూర్తిగా తెలుసుకోండి. అవసరమైతే వారి నుండి పోలీస్ క్లియరెన్స్ సర్టిఫికేట్ కోరండి.