వంటింటి చిట్కాలతో పనులు సులభం...టైమ్ ఆదా....

Published: Thursday, March 1, 2012, 17:21 [IST]

1. కర్పూరం డబ్బాలో వేసి ఎంత మూతపెట్టినా, కొంత కాలానికి కొంతైనా హరిస్తుంది. నాలుగు మిరియపు గింజలు, నాలుగు బియ్యం గింజలు ఆ డబ్బాలో కర్పూరంతో పాటు వేసి ఉంచితే, కర్పూరం అంత తొందరగా హరించుకుపోదు.
2. మీ బెడ్ రూంలో ఉన్న ఏదో ఒక బల్బ్ మీద పెర్ ఫ్యూం స్ప్రే చేయండి. ఆ లైట్ వేసినప్పుడు. మీబెడ్ రూం అంతా సువాసనతో నిండిపోతుంది.
3. ఉడెన్ ఫర్నిచర్‌ను పేపర్‌తో తుడిస్తే పాలిష్ చేసినట్లు మెరుస్తాయి. పేపర్‌తో తుడవడం వల్ల సందుల్లోని దుమ్ము పూర్తిగా వదలదు కాబట్టి ముందుగా మెత్తటి క్లాత్‌తో తుడిచి, తర్వాత పేపర్‌తో తుడవాలి.
4. కాలీప్లవర్ కి పురుగుల బెడద హెచ్చు. ముక్కలు కోసి వేడినీళ్ళలో 2నిముషాలు ఉంచితే పురుగులు చచ్చి పైకి తేలిపోతాయి లేదా గిన్నెనీటిలో కొంచెం వెనిగార్న్ కలిపి ముక్కలను వేసినా పురుగులు పైక వచ్చేస్తాయి.
5. నిమ్మకాయలు ప్రిజ్ లో ఉంచి నిలువ పెట్టే కన్నా వాటిని ఒక పాత్రలో చల్లని నీరు పోసి దాచి ఉంచితే వడలిపోవు ఐతే పాత్రలో నీరు మాత్రం రోజూ మారుస్తూ ఉండాలి.
6. అరటి కాయలు, వంకాయలు కోసిన కాసేపటికే రంగు మారి కసరుగా మారతాయి. అయితే కోసిన వెంటనే కొంచెం మజ్జిగ కలిపిన నీటిలో వేసి ఉంచితే ముక్కలు అలా కాకుండా ఉంటాయి.
7. ఎండాకాలం పాలు విరిగిపోకుండా ఉండాలంటే ఈ విధంగా చేయండి. పాలు కాచేటప్పుడు రెండు మూడు వడ్ల గింజలు వేసి కాచి, ఆ తరువాత వాటిని తీసేయండి. లేదా ముందుగానే తినే సోడాను చిటికెడు పాలల్లో వేసి కాగపెట్టాలి.
8. కూరలో కారం ఎక్కువైతే అందులో కాస్త కొబ్బరి పాలు కలిపి చుడండి.