సహజ పరిమళాలతో ఇంట్లో సువాసనలు

1. ఇంట్లో, వంట గదిలో చెత్త డబ్బాలను శుభ్రపరిచాక వాటిలో లవంగాలు, దాల్చిన చెక్కను పొడి చేసి రెండు మూడు చెంచాలు చల్లాలి. లేదంటే ఫ్యాబ్రిక్‌ వస్త్రాన్ని పరిచినా వాసనలు పీల్చేసుకుంటాయి.
2. వంట చేసే సమయంలో కిటికీ, గుమ్మం తలుపులు తీసి ఉంచితే వేడి గాలి, ఘాటు వాసనలు బయటకు వెళ్లిపోతాయి.
3. చేపలు, క్యాబేజీ వండేటప్పుడు వచ్చే వాసనలు చాలామందికి నచ్చవు. అలాంటప్పుడు పొయ్యి పక్కన గిన్నెలో వైట్‌ వెనిగర్‌ పోసి పెట్టాలి. దాంతో ఆ సమస్యలేమీ ఉండవు.
4. వంట పాత్రల వాసన పొగొట్టాలంటే..వంటషోడా కల్పిన నీటితో కడిగితే చాలు.
5. వంటింట్లో సింక్ లో నుంచి వాసన వస్తోంటే ఒక కప్పు వంటసోడాను, ఒక కప్పు వైట్ వెనిగర్ ను పోసి బాగా మరిగే నీరు సింక్ లో పోస్తే ఆ తర్వాత సింక్ లో నుండి దుర్వాసన రాదు.
6. ఫ్రిజ్‌ ను వాడకుండా పక్కన పెడితే.. తలుపు తీసినప్పుడు దుర్వాసనలొస్తాయి. వాడని సాక్స్‌ లేదా గ్లవుజు తీసుకొని దాన్లో కాఫీ గింజలు నింపి ఫ్రిజ్‌ లో ఉంచితే సరిపోతుంది.
7. డీప్ ఫ్రిజ్ లో లిక్విడ్ బాటిల్స్ కూలింగ్ నిమిత్తం ఉంచే సమయంలో..బాటిల్ లో లిక్విడ్ నిండుగా లేకుండా కొంత వెలితి ఉండేలా చూసుకోవాలి.
8. కప్పున్నర నీళ్లలో నాలుగైదు లవంగాలు లేదా నిమ్మచెక్కలు వేసి ఓవెన్‌ లో ఉంచి వేడి చేయాలి. పావుగంటయ్యాక కప్పు తీసేస్తే దానిలోంచి తాజా సువాసనలు బయటకొస్తాయి.