ఇంటి సౌందర్యాన్ని తెలిపే మేడ మెట్ల నిర్మాణం ఎలా..?

Published: Wednesday, February 1, 2012, 14:04 [IST]

గృహాలు నిర్మించే వారిలో చాలామంది తమ ఇష్టం వచ్చినట్లు మెట్ల నిర్మాణం చేస్తారు. అయితే అలా చేసి భవిష్యత్‌లో ఇబ్బంది వచ్చినప్పుడు వాటిని కూలగొడుతుంటారు. ఈ సమస్య ఎదుర్కొనేకంటే వాస్తు శాస్త్రం చూపించిన విధంగా నిర్మాణం చేయటం మంచిది. ఇంటిలోపల నుంచి మేడమీదకు మెట్లు నిర్మించుకోనేటట్లైతే మడత మెట్లు ఏర్పాటు చేసుకొంటే అవి చాలా ఉపయోగకరంగా కూడా ఉంటున్నాయి. అయితే వీటిని విశాలమైన గృహంలో వేయవచ్చు. కానీ వెడల్పు తక్కువగా ఉన్నటువంటి గృహాల్లో అమర్చటం చాలా కష్టం. మొదటి సగం మెట్లు దాదాపు పది అడుగులు సాగటంతో అవి గృహం మధ్యకు వచ్చేస్తున్నాయి.

హోం డెకార్...ఇంటీరియర్‌ లో ప్రతీదీ ముఖ్యమే. దేన్ని తక్కువ చేయకూడదు. ఇంటి కళాకృతుల్లో మెట్లు కూడా ఓ భాగం. ఇంటి బయట మెట్లు ఉంటే పట్టించుకోనవసరం లేదు. కానీ అదే డూప్లెక్స్ ప్లాన్ చేస్తే మాత్రం తప్పకుండా కాస్త వెరైటీగా ప్లాన్ చేయాలి.

1. ఇంటి లోపల మెట్లు కట్టేందుకు ఆలోచిస్తే దానికి వాడే మెటీరియల్‌ ని ముందు ఎంచుకోవాలి. అలాగే.. మెట్లు ఉండాల్సింది నిటారుగానా? వంపుగానా? అనేది ముందే నిర్ణయించుకోవాలి. ఫ్లోరింగ్‌ కు తగినట్లు మెట్లను అలకరించుకోవాలి.
2. నిటారుగా ఉండే స్టెయిర్స్ మామూలే. వంపుగా కట్టే స్టెయిర్‌ కేస్ అయితే ఇంటికి స్టైలిష్ లుక్ వస్తుంది. ఇక వాటిని కార్పెట్‌తో అలంకరిస్తే బాగుంటుంది. మరింత అందం రావాలంటే.. ప్రతి స్టెయిర్‌కి లైట్లను జోడిస్తే మంచిది.
3. స్టెయిర్‌కేస్ కు ఒకవైపు మాత్రమే గోడ ఉన్నట్లయితే.. పెయింటింగ్స్‌ ను అతికించండి. రెండు వైపులా గోడ అయితే క్లోజప్‌ లో ఉండే స్టిక్కర్లను గానీ, ప్లాస్టరింగ్ కానీ చేయాలి.
4. ఈ రెండూ కాకుండా మరింత ఆధునాతమైన లుక్కు కోసం.. ఇటుకలను బయటకు వచ్చేట్లుగా పేర్చుకోవాలి. ఇటుకరాళ్ల స్థానంలో గులకరాళ్లు బయటకు కనపడే విధంగా ఉన్నా బాగుంటుంది.
5. అలాగే గోడకు మ్యాచ్ అయ్యేలా అందమైన మొజాయిక్‌ ను మెట్ల వరుస అంచులకు వాడాలి. పెయింట్స్, కలిపి డిజైనింగ్, రాట్ ఐరన్ గ్రిల్ లోహాలు, అద్దాలను మెట్లుగా అమర్చుకోవచ్చు. కాకపోతే గ్లాస్ తో చేసిన మెట్లు అయితే కాస్త ఇబ్బంది పడాల్సి వస్తుంది. కాబట్టి బాగా ఆలోచించుకొని నిర్ణయం తీసుకోవాలి.