మహిళలకు కావల్సింది వంటింటి చిట్కాలేగా....

మహిళలకు కావల్సింది వంటింటి చిట్కాలేగా....

Improvement

oi-Saraswathi N

By Sindhu

Updated: Tuesday, July 17, 2018, 17:57 [IST]

ఇల్లే వైకుంటం అనుకుంటూ కొందరు ఉదయం నుండి రాత్రి పడుకొనే వరకూ వంటింట్లోనే కాలక్షేపం చేస్తుంటారు. కొద్దిగా పెద్ద కుటుంబం..ఉమ్మడికుటుంబం అయితే సరేసరి..ఉదయం లేచినప్పటి నుండి టిఫిన్ ఏం చేయాలా..మద్యాహ్నాం భోజనంలోకి ఏం కూర వండాలా ఆలోచిస్తుంటారు అటువంటివారి కోసం కొన్ని వంటింటి చిట్కాలు. వీటిని పాటిస్తే వంటింట్లో ఎడతెగకుండా సమస్యలుగా ఉండేవాటికి కొంత పరిష్కారం లభించినట్లే... అవేమిటో ఇప్పుడు చూద్దాం....

1. నూనె తక్కువ వాడడం ఆరోగ్యానికి చాలా మంచిది. నూనె తక్కువ వేసినా కూర రుచిగా ఉండాలంటే ఈ విధంగా చేసి చూడండి. బాణాలి లేదా గిన్నె బాగా వేడెక్కిన తరువాత నూనె వేసినట్టయితే తక్కువ నూనెతో కూడా వేపుడు కూరలు చేసుకోవచ్చు.
2. గారెల పిండిలో కొద్దిగా సేమ్యా వేయించి కలిపితే మంచి రుచిగా ఉంటాయి. తినేటప్పుడు గారెలు కరకరలాడుతూ అచ్చంగా హోటల్‌లో తిన్నట్లే ఉంటాయి.
గారెల పిండి రుబ్బిన వెంటనే నాలుగైదు గంటల పాటు ఫ్రిజ్‌ లో ఉంచి తీసిన తరువాత గారెలు వండితే నూనె పీల్చకుండా ఉంటాయి. పెద్దవారికి కొలెస్ట్రల్‌ భయం ఉండదు.
3. వంటకాల్లో కారంతో పాటు చిటికెడు ఉసిరిక పొడిని వేస్తే పదార్థాలు మరింత రుచిగా ఉంటాయి.
4. అల్లం వెల్లుల్లిని పేస్ట్ చేసే ముందు కొద్దిగా వేయించితే ఆ మిశ్రమం ఎక్కువ రోజులు తాజాగా ఉంటుంది.
5. ఉప్పు వేసిన నీటిలో కూరగాయముక్కలను కొద్ది సేపు ఉంచి ఆ తరు వాత వాటిని ఉడకబెడితే త్వరగా ఉడుకుతాయి.
6. ఎండు కొబ్బరి, నువ్వులు,ధనియాలు కలిపి పొడి చేసుకొని కూరలలో వేస్తే మంచి రుచి వస్తుంది. ఈ పొడి చాలా రోజుల వరకూ నిల్వ వుంటుంది.
7. చపాతీలు మరింత రుచిగా కావాలనుకుంటే ఈ విధంగా చేసి చూడండి. గోధుమపిండిలో కొద్దిగా బార్లీపిండి, శనగపిండి కలిపితే మంచి రుచిగా ఉంటాయి.
8. ఎండు కొబ్బరిని సులభంగా తురుమాలంటే ఈ విధంగా చేసి చూడండి. ఎండుకొబ్బరిని కొద్ది సేపు ఫ్రిజ్‌ లో పెట్టి ఆ తరువాత తురుమాలి.
9. బెండకాయ కూర చేయడానికి ముందు ముక్కల మీద కాస్త నిమ్మ రసం చల్లితే జిగురు ఉండదు.
10. వంకాయ కూరలో రెండు చుక్కలు నిమ్మరసం పిండితే కూర రంగు మారదు, రుచిగా ఉంటుంది.