అమితంగా ప్రేమించే పెంపుడు కుక్క కంఠాభరణం!

Pet Care

oi-Nageswara

By B N Sharma

Published: Monday, October 10, 2011, 12:50 [IST]

మీరు మెచ్చే యువతికి రాళ్ళు పొదిగిన నెక్లెస్ కొనాలనుకుంటున్నారా? రెండు కొనండి. అయితే రెండోది మొదటి దానికంటే ఖరీదు తక్కువ వుండేలా చూడండి. మీ భార్య ఎంతో ప్రేమగా పెంచుకునే పెంపుడు కుక్కకు సరైన బహుమానం అంటే...దానికి కూడా ఒక అందమైన నెక్లెస్ మరి. ఇపుడు కుక్కల కంఠాలు సైతం రాళ్ళు పొదిగిన నెక్లెస్ లతో మెరిసిపోతున్నాయి. ఆమె పక్కన నడిచే చిన్ని ఆ పెంపుడు కుక్క కూడా మరి మెరిసిపోతూండాలట.

ఇప్పటిదాకా పెంపుడు కుక్కలకు వేసే లెదర్ లేదా రబ్బర్ బెల్టుల స్ధానంలో రాళ్ళు పొదిగిన బెల్టులు తయారవుతున్నాయి. ఇవి కొద్దిపాటి తేడాతో రంగీలా చిత్రంలోని ఊర్మిళా మటోడ్కర్ మెడలో ధరించిన నెక్లెస్ లను పోలి వుంటున్నాయి. వీటి ఖరీదు వేలల్లో వున్నప్పటికి, కనీసం ఒక వేయి పెట్టినా అందమైన రాళ్ళు పొదిగిన కాలర్ ఒకటి అరలక్ష పెట్టి కొన్న మీ పెంపుడు కుక్కకు అందంగాను, దానిని బయటికి తీసుకు వచ్చి నడిపిస్తున్న మీకు స్టేటస్ సింబల్ గాను వుంటుంది.

కుక్కలకు డిజైనర్ ఆభరణాలు పాతవే. దేశంలోని బెస్ట్ డిజైనర్ రీతు బేరి పెంపుడు కుక్కలకు జాకెట్లు, బ్యాగులు, కాలర్లు, మొదలైనవి ఎపుడో తయారు చేశారు. మగ, ఆడ కుక్కలకు వేరు వేరుడిజైన్లతో వున్నాయి కూడాను. కుక్కల బ్యూటీ పార్లర్లలో లేదా ఇతర ఆన్ లైన్ స్టోర్స్ లో ఈ ప్రత్యేక ఆభరణాలు దొరుకుతాయి. ఈ కుక్కల నెక్లెస్ లు, వాటిపట్ల ఎంతో అనురాగాన్ని, ఆప్యాయతలను ప్రదర్శించే కుక్కల యజమానులను ఎంతో ఫ్లాట్ చేసేస్తున్నాయంటే నమ్మశక్యం కానంత అని చెప్పక తప్పదు.