'పగ్' జాతి కుక్కల గురించి మీ కేమి తెలియాలి?

Pet Care

oi-Nageswara

By B N Sharma

Published: Monday, September 19, 2011, 11:51 [IST]

"పగ్" జాతి కుక్కలు ఎంతో ప్రేమిస్తాయి. ఈ జాతి కుక్క, చిన్న శరీరంతో అందంగా ఆకర్షణీయంగా వుంటుంది. పిల్లలతో బాగా ఆడుతుంది. పెంపుడు కుక్కను కొనాలంటే దాని గురించిన పూర్తి వివరాలను తెలుసుకోవాలి. ఇక పగ్ జాతి కుక్కలు చాలా అందుబాటులో వుంటాయి. మీకు మంచి స్నేహితులుగా వుండగలవు. ఇటీవలి హచ్ కంపెనీ ప్రకటనలోని చిన్న కుక్క పగ్ జాతికి చెందినదే.

పగ్ జాతి కుక్కలు ఏమి చేయలేవో తెలుసుకోవాలంటే, ఇది చదవండి! అవి మీ ఇంటికి మీరు లేనపుడు కాపలా కాయలేవు. మీరు ఎక్కడికైనా వెళ్ళాలంటే...మిమ్మల్ని విడిచి వుండలేవు. మీరు ఎక్కడికెడితే అక్కడికి వచ్చేస్తాయి. మీ రక్షణ కొరకు ఒక కుక్క కావాలనుకుంటే, పగ్ జాతి కుక్క పని చేయలేదు. ఈ జాతి కుక్క బయటివారిని ఎదుర్కొనలేదు. ఇంటిలో గట్టిగా చప్పుడైతే, ఈ జాతి కుక్క వెంటనే దాక్కొంటుంది. ఎవరైన వచ్చినా అసలు పట్టించుకోదు. ఇవి చాలా తెలివైన కుక్కలు కూడా కావు. కనుక మీరు తెలివైన పెట్ కావాలనుకుంటే దీనిని ఎంపిక చేయవద్దు. అలాగని మరీ మొద్దుగా వుండవు.

పగ్ జాతి కుక్కలు శిక్షణ నివ్వాలంటే చాలా నిదానంగా నేర్చుకుంటాయి. మొదటి సారే మీ కమాండ్స్ గ్రహించలేదు. అవి కమాండ్స్ కంటే కూడా భావాలకు ప్రాధాన్యతనిస్తాయి. ఈ జాతి కుక్కలు దూరాలు నడువ లేవు. కాని కనీస వ్యాయామం వీటికి కావాలి. ఎంతసేపూ ఇవి మీ సరసన పడుకుని ఆటలాడటానికే లేదా ముద్దు మురిపాలకే పనికి వస్తాయి కాని. మీ పిల్లలు ఆశించే రీతిలో ఒక బాల్ తెచ్చి మీ కివ్వడం లేదా బయట గ్రౌండ్ లో పిల్లలతో ఆడటం వంటివి చేయలేవు.

మరి పగ్ జాతి కుక్కల ప్రయోజనం ఏమిటి?
పిల్లలతో చాలా స్నేహంగా వుంటాయి. పిల్లలు బాగా ఇష్టపడతారు. పిల్లలు పొట్ట చెక్కలయ్యేలా నవ్వటానికి ఈ జాతి కుక్క ఏ పనైనా చేస్తూ వుంటుంది.

పగ్ జాతి కుక్కలు ప్రతిదినం చాలా బొచ్చును విదిలిస్తాయి. కనుక లూజుగా వున్న బొచ్చు వదిలించటానికి దానికి ప్రతి దినం దువ్వవలసిన అవసరం వుంది.

ఈ కుక్కలు చాలా యాక్టివ్ గా వుండి ఒక చోట ఎపుడూ నిలబడవు. లేదా కూర్చోవు. పెద్దవైనప్పటికి ప్రకటనలలోవలే మీ వెంట వస్తూనే వుంటాయి.

వేడికి తట్టుకోలేవు. అలాగని చలి అధికంగా వున్నా భరించలేవు. మన దేశంలోని వేసవి కాలంలో వాటికి ఒక ఎయిర్ కండిషనర్ అవసరం ఎంతో వుంటుంది.

ఈ కుక్క దానికిష్టమైన తిండిపదార్ధాలను చాలా అధికంగా తినేస్తుంది. కనుక ఆరోగ్యంగా వుండాలంటే తిండి విషయంలో మీరు దానిని నియంత్రణ చేయాల్సిన అవసరం వుంది. ఒక చిన్న కుక్క కావాలంటే మాత్రం పగ్ జాతి కుక్క పెంపకానికి ఎంతో మేలైనది.