ఇంట్లో పెంచుకొనే పెట్స్ కి మాంషాహారం తప్పనిసరా...?

Pet Care

oi-Saraswathi

By Sindhu

Published: Monday, August 27, 2012, 16:01 [IST]

సాధారణంగా ఇంట్లో పెంచుకొనే పెట్‌ ఎటువంటి ఆహారం అందించాలనే చాలా మందికి తెలియదు. వాటికి ఏదో ఒకటి తినాలని ఏదేదో పెట్టేస్తుంటారు. కొంత మంది పెట్స్ కి నాన్‌ వెజ్ పెట్టాల్సిందేనా? మేము పూర్తి శాకాహారులం. పెట్‌ ని పెంచుకుంటే దానిని పాలు, పెరుగు, అన్నం వంటివి పెడితే ఆరోగ్యంగా పెరుగుతుందా? పెట్‌ ని కేవలం శాకాహారంతోనే పెంచవచ్చు. మాంసాహారం పెట్టడం తప్పనిసరి అనుకుంటారు కానీ అది చాలా పొరపాటు. శాకాహారంతో చాలా ఆరోగ్యంగా పెరుగుతాయి.

అయితే పాలు, పాల ఉత్పత్తులను పెట్టకపోవడమే మంచిది. పప్పు, జొన్నలు, గోధుమ, వరి అన్నం, సోయా వంటి ప్రోటీన్ ఫుడ్ పెట్టాలి. కుక్కలకు అని మాత్రమే కాదు ఏ జంతువుకైనా సరే డైరీ ప్రోడక్ట్స్ మంచివి కాదు. ఇక... ఎంత పెట్టాలి... అంటే అది తినగలిగినంత మాత్రమే పెట్టాలి. ప్రేమ ఎక్కువై, ఎక్కువ తినిపించే అలవాటు చేయకూడదు. పెట్ ఆకలి దాని వయసు, సైజు, వ్యాయామాన్ని బట్టి ఉంటుంది.

పెట్ నిద్ర వేళలు ఎలా ఉంటాయి? ఎన్ని గంటలు నిద్రపోతే సరిగ్గా ఉన్నట్లు? వయసును బట్టి నిద్రించే సమయం పెరుగుతుందా? ఇలా అనేక రకాల జంతువులు సాధారణంగా మనకంటే ఎక్కువ సేపు పడుకుంటాయి. అది కూడా పగలు పడుకుని రాత్రిపూట అలర్ట్‌గా ఉంటాయి. ఇంటి కాంపౌండ్ అలవాటు చే'స్తే, ఆ కాంపౌండ్‌లోనే అప్రమత్తంగా ఉండి రాత్రంతా తిరుగుతూ ఉంటాయి.

కొంతమంది తమతోనే నిద్రపుచ్చుకునే అలవాటు చేసుకుంటారు. అలా అలవాటు చేస్తే అలాగే పడుకుంటాయి. అలా పడుకున్నప్పటికీ మొద్దు నిద్ర పోవు, అలర్ట్‌గానే ఉంటాయి. పప్పీగా ఉన్నప్పుడు రోజులో ఎక్కువసేపు నిద్రపోతాయి, ఏడాది నిండేటప్పటికి పది నుంచి పన్నెండు గంటలు నిద్రపోతాయి. ఈ విషయంలో కూడా ఒకరికీ మరొకరికీ కొద్దిపాటి తేడాలున్నట్లే పెట్‌లకూ నిద్ర సమయాల్లో కొద్దిపాటి హెచ్చుతగ్గులు సాధారణమే.