Dangerous Plants: ఈ మొక్కల వల్ల మనుషులకు, జంతువులకు ప్రమాదం

1. సక్యూలెంట్స్

సక్యూలెంట్స్ ప్లాంట్స్ వల్ల తెగుళ్లు ఎక్కువగా ఏర్పడతాయి. ఈ మొక్కలు చిన్నగా, చూడటానికి చాలా అందంగా, ఆకర్షణీయంగా కనిపిస్తాయి. చాలా మంది వీటిని తమ కార్యాలయాల్లో, డెస్కులపై ఈ మొక్కలను పెంచుకుంటారు. అయితే ఈ మొక్కలు మీలీబగ్స్, కీటకాలను ఎక్కువగా ఆకర్షిస్తాయి. ఈ కీటకాలు ఇతర మొక్కలను కూడా వ్యాపిస్తాయి. కాబట్టి తెగుళ్లు లేకుండా చూసుకోవడం ముఖ్యం.

2. ఒలియాండర్

ఈ మొక్కలు విషపూరితమైనవి. ఒలియాండర్ లేదదా నెరియం మొక్కల పువ్వులు చాలా అందంగా ఉంటాయి. ఈ పూలను పూజకు కూడా వాడుతుంటారు. ఈ పూల వల్ల వాంతులు, తలనొప్పి, గుండె సమస్యలు వస్తాయి. ఈ మొక్కలు దారి వెంట కనిపిస్తే పిల్లలను దూరంగా ఉంచడం మంంచిది.

3. అరెకా

సక్యులెంట్స్ మొక్కల్లాగే అరెకా మొక్కలు కూడా తెగుళ్లను ఎక్కువగా ఆకర్షిస్తాయి. గోల్డెన్ కేన్ పామ్, ఎల్లో పామ్, బటర్‌ఫ్లై పామ్ అని కూడా అంటారు. ఈ మొక్కలు చూడటానికి ఆకర్షణీయంగా ఉంటాయి. అయితే కీటకాలు రాకుండా జాగ్రత్త పడాల్సి ఉంటుంది. ఈ మొక్కలపై సాలీడు పరుగులకు మంచి ఆవాసంగా ఉంటుంది.

4. బోన్సాయ్

బోన్సాయ్ చెట్లంటే చాలా మందికి ఇష్టమే. ఇవి చాలా చిన్నగా ఉండే వృక్షాలు. అయితే బోన్సాయ్ చెట్ల వల్ల చర్మ సంబంధిత సమస్యలు వస్తాయి. బోన్సాయ్ చెట్లను ఇంట్లో పెట్టుకుంటే మంచి లుక్ వస్తుంది. ఈ మొక్కలను తాకి చేతులు కడుక్కోకుండా ఆహారపదార్థాలను ఎట్టిపరిస్థితుల్లోనూ తినొద్దు.

5. మనీ ప్లాంట్

ఇది దాదాపు ప్రతి ఒక్కరి ఇంట్లోనూ ఉంటుంది. మనీప్లాంట్ గాలిని కూడా శుభ్రం చేస్తుంది. అయితే ఈ ఆకులు తింటే కడుపులో చికాకుగా ఉంటుంది. వాంతులు, విరేచనాలు వస్తాయి. శ్వాసకోశ సమస్యలూ వస్తాయి. పెంపుడు జంతువులు ఈ మొక్కలను నోట్లో పెట్టుకోకుండా చూసుకోవాలి. జంతువుల్లో ఊపిరాడకపోవడం, శ్వాసకోశ సమస్యలు, మంట, విరేచనాలు, వాంతులు వస్తాయి. మూత్రపిండాల వైఫల్యం సహా మరణం కూడా సంభవించవచ్చు.

6. కలబంద

కలబంద వల్ల అనేక ఆరోగ్య ప్రయోజనాలు ఉన్నాయి. కలబందను సౌందర్య సాధనాల్లోనూ ఎక్కువగా ఉపయోగిస్తారు. కలబంద గుజ్జు తింటే జీర్ణసమస్యలు రావు. అలాగే ఒంట్లో వేడి చేసినా కలబంద గుజ్జు తినాలని చెబుతారు.

కలబంద వల్ల అనేక ప్రయోజనాలు ఉన్నప్పటికీ మొక్కలోని ఇతర భాగాలు తింటే అనారోగ్యంపాలుకాక తప్పదు. మొక్కలోని ఇతర భాగాలు తీసుకుంటే కుక్కల జీర్ణ వ్యవస్థకు హాని కలుగుతుంది.