Latest Updates
-
India’s One Day Capital: ఒక్క రోజు మాత్రమే భారతదేశ రాజధానిగా ఉన్న నగరం ఏదో మీకు తెలుసా? -
ఇడ్లీ, దోశెలను వదలనివ్వని అద్భుతమైన మదురై స్పెషల్ చట్నీ..ఎలా చేసుకోవాలంటే.. -
చలికాలంలో ఈ సాంబార్ చేసుకుంటే..జలుబు, తలనొప్పి అన్నీ పరార్! -
కోట్ల ఆస్తి, డ్రైవర్ తో ఎఫైర్.. ప్రియుడి మోజులో కన్నకొడుకునే బలిచ్చిన తల్లి.. -
బజార్ స్వీట్లు ఇక ఆపేయండి.. సొరకాయతో అద్భుతమైన కలకండ్ ఇలా చేసుకోండి.. -
చలికాలంలో గొంతు నొప్పి, గరగర వేధిస్తున్నాయా? వంటింట్లో దొరికే ఈ పదార్థాలతో చిటికెలో రిలీఫ్.. -
100 ఏళ్లు గుర్తుండిపోయే పచ్చిమిర్చి పచ్చడి..ఎందులోకి అయినా అమృతమే! -
ఖాళీ స్వీట్ బాక్సులు పారేస్తున్నారా?.. ఈ ఉపయోగాలు తెలిస్తే ఆశ్చర్యపోతారు! -
హోటల్ స్టైల్ పూరీ మసాలా ఇంట్లోనే.. ఈ సీక్రెట్ టిప్స్ తో చేసి చూడండి! -
నెల రోజులు నిల్వ ఉండే ఆరోగ్యకరమైన మరమరాల లడ్డు..మీ ఇంట్లోనే ఎలా చేసుకోవాలంటే..
ప్రపంచంలో రాజధాని లేని ఏకైక దేశం ఏదో తెలుసా?
ఈ ప్రపంచంలో అధికారికంగా ఐక్యరాజ్య సమితి(UN) గుర్తించిన దేశాలు 193. యూఎన్ గుర్తించని మరికొన్ని దేశాలు కూడా ఉన్నాయి. అయితే ఏ దేశం పేరు వినగానే మనకు ఫస్ట్ గుర్తుకొచ్చేది ఆ దేశ రాజధానే. భారత్ అనగానే ఢిల్లీ, ఇంగ్లాండ్ అనగానే లండన్, ఫ్యాన్స్ అనగానే ప్యారిస్, నేపాల్ అనగానే కాఠ్మాండు, బంగ్లాదేశ్ అనగానే ఢాకా ఇలా దేశం పేరు వినగానే ఫస్ట మనకు రాజధాని నగరమే గుర్తుకొస్తుంది.
రాజధాని అంటే..ఆ దేశానికి రాజకీయ, పరిపాలనా కేంద్రం. అయితే ఇన్ని దేశాలున్న ఈ భూమ్మీద ఒక్క దేశానికి మాత్రం అసలు రాజధానే లేదు. రాజధాని లేదంటే అదేదో గుర్తింపు లేని దేశం అనుకుంటే పొరబడినట్లే. ఐక్యరాజ్య సమతి గుర్తింపు పొందిన దేశానికే రాజధాని లేదండోయ్. రాజధాని లేని ఆ దేశమే పసిఫిక్ మహాసముద్రంలో ఒక చిన్న ముత్యంలా మెరిసిపోయే నౌరు.

నౌరు.. మధ్య పసిఫిక్ మహాసముద్రంలో ఉన్న ఒక అతిచిన్న ద్వీప దేశం. ఇది 1968లో స్వాతంత్ర్యం పొందింది. భౌగోళిక విస్తీర్ణం, జనాభా పరంగా చూసుకుంటే ప్రపంచంలోనే అత్యంత చిన్న దేశాల జాబితాలో నౌరు అగ్రస్థానంలో ఉంటుంది. విస్తీర్ణంలో ఎంత చిన్నదైనా, దీనికున్న ప్రత్యేకత మాత్రం ప్రపంచవ్యాప్తంగా అందరి దృష్టినీ విశేషంగా ఆకర్షిస్తుంది.
రాజధాని లేనప్పుడు ఆ దేశపు ప్రభుత్వ పాలన ఎలా సాగుతుంది? పాలనా కార్యకలాపాలు ఎక్కడినుండి జరుగుతాయి? అనే సందేహం రావడం సహజం. ఈ ప్రశ్నలకు సమాధానమే యారెన్ (Yaren) జిల్లా. నౌరు ద్వీపపు దక్షిణ భాగంలో ఉన్న ఈ జిల్లాలోనే దేశ పార్లమెంటుతో పాటు విమానాశ్రయం, ఇతర కీలకమైన ప్రభుత్వ కార్యాలయాలన్నీ కొలువై ఉన్నాయి. చట్టబద్ధంగా దీనికి రాజధాని హోదా లేకపోయినా, ప్రభుత్వ పనులన్నీ ఇక్కడినుండే సాగుతుండటంతో యారెన్ జిల్లాను అనధికారికంగా నౌరు రాజధానిగా పరిగణిస్తుంటారు.
మహా నగరాలు, భారీ పట్టణాలు, ఆకాశహర్మ్యాలు నౌరులో అస్సలు కనిపించవు. ఈ దేశం మొత్తం ఒక చిన్న ద్వీపం మాత్రమే. ఇక్కడ నగరాలకు బదులుగా చిన్న చిన్న జిల్లాలు ఉంటాయి. దేశ జనాభా, నివాస ప్రాంతాలు, ప్రభుత్వ కార్యాలయాలు ఒకే చోట కేంద్రీకృతం కాకుండా ఈ జిల్లాల పరిధిలో విస్తరించి ఉంటాయి. యారెన్ జిల్లా కేవలం ప్రధాన పరిపాలనా కేంద్రంగా మాత్రమే సేవలందిస్తుంది తప్ప దానిని జాతీయ రాజధానిగా అక్కడి ప్రభుత్వం ఎన్నడూ అధికారికంగా ప్రకటించలేదు.
ఇక, ఇటీవల నౌరు దేశం తన దేశం పేరుని కూడా మార్చింది. తమ దేశం పేరుని రిపబ్లిక్ ఆఫ్ నావోరో(republic of naoero)గా అధికారికంగా మార్చింది.



Click it and Unblock the Notifications
