భూమిపై నేరుగా నరకానికి వెళ్లే దారులు ఇవే.. ప్రపంచంలోనే అత్యంత భయంకరమైన ప్రదేశాలు!

ఈ భూ ప్రపంచం అంతా రహస్యాలతో నిండి ఉంటుంది. ఎన్నో అద్భుతమై వింతలు, విశేషాలు, శక్తులు ఈ భూమిపై దాగి ఉన్నాయి. ఎన్నో రహస్యాలు నెలవైన ఈ భూమిపై కొన్ని ప్రదేశాలు శాస్త్రవేత్తలకు సైతం మిస్టరీగానే మిగిలాయి. ఆ ప్రదేశాలను నరకానికి ద్వారాలుగా చెబుతుంటారు. ఆయా ప్రదేశాలకు వెళ్తే కచ్చితంగా మరణిస్తారని చెబుతుంటారు. ఇంతకీ ఆ ప్రదేశాలు ఎక్కడున్నాయి? వాటికి నరకానికి దారులు అని ఎందుకు పేరొచ్చిందో ఈ స్టోరీలో తెలుసుకుందాం.

గెహెన్నా

పురాతన జెరూసలెంలో గెహెన్నా అనే లోయ ఉంది. ఈ లోయను నరకానికి ద్వారంగా చెప్పుకుంటారు. ఎందుకంటే పురాతన కాలంలో అమ్మోనైట్ మతస్థుల దేవుడైన మోలోచ్‌ను శాంతింపజేయడానికి పసి పిల్లలను బలి ఇచ్చేవారట. అలాగే గౌరవప్రదంగా అంత్యక్రియలు జరగని వారి ఆత్మలను ఇందులో పడేసేవారని చెబుతుంటారు. అందుకే ఈ ప్రదేశంలో ఎవరు వెళ్లినా చనిపోతారని పేర్కొంటుంటారు. అందుకే దీనిని నరకానికి ద్వారంగా పిలుస్తున్నారు.

ప్లూటోస్ గేట్

టర్కీలోని పురాతన నగరమైన హిరాపోలీస్‌లో ప్లూటోస్ గేట్ అనే ఒక గుహ ఉండేది. ఈ గుహను ఇప్పటికీ నరకానికి ద్వారంగా చెప్పుకుంటారు. ఎందుకంటే ఈ గుహలోకి ఎవరు ప్రవేశించినా క్షణాల్లోనే చనిపోతారట. ఇది ఒక రకమైన గ్యాస్ ఛాంబర్. దీనిని నరకానికి దారి అని చెబుతుంటారు.

హెక్లా అగ్ని పర్వతం

ఐస్‌లాండ్‌లో ఓ అగ్ని పర్వతం ఉంటుంది. దానిని కూడా నరకానికి ద్వారాల్లో ఒకటిగా చెప్పుకుంటారు. ఎందుకంటే 1104వ సంవత్సరంలో ఇది విస్ఫోటనం చెందింది. ఆ విస్ఫోటనం కారణంగా భారీగా నష్టం వాటిల్లింది. మొత్తం ఐస్‌లాండ్ సగభాగం మొత్తాన్ని బూడిద, రాళ్లతో నింపేసింది. దీంతో పాటు భారీగా మనుషులు చనిపోయారు. అప్పటి నుంచి దీనిని నాకారానికి ద్వారంగా చెప్పుకుంటున్నారు.

రాతి సమాధి

బెలిజ్‌లో ఓ రాతి సమాధి ఉంది. దానిని 'కేవ్ ఆఫ్ స్టోన్ సమాధి' అని కూడా పిలుస్తుంటారు. ఇక్కడ చాలా మంది మృత దేహాలు కనుగొనబడ్డాయి. నాలుగు సంవత్సరాల పిల్లల నుంచి పెద్దవాళ్ళ వరకు చనిపోయి గుట్టలు గుట్టలుగా పడి ఉన్న అస్థిపంజరాలు దర్శనమిచ్చాయి. అప్పటి నుంచి ఈ ప్రదేశం చాలా భయానకంగా ఉందని, నాకారానికి ఇదే ద్వారమని ప్రసిద్ధి చెందింది.

సెయింట్ పాట్రిక్స్

ఐర్లాండ్‌లోని లాగ్ డుగ్నే వద్ద ఉన్న పవిత్రమైన మతస్థలమే సెయింట్ పాట్రిక్స్. పురాతన కాలంలో ప్రజలు ఈ ప్రదేశానికి వచ్చి తమ పాపాలు కడుక్కునే వారని చెబుతుంటారు. తమ పాపాలను పోగొట్టుకోవడానికి ఆ ప్రదేశంలో కఠినమైన శిక్షలు, అనేక ఇబ్బందులు ఎదుర్కొనేవారని, నరకంలో ఉండే అన్ని శిక్షలు వీరికి విధించేవారని చెబుతుంటారు. అందుకే దీనిని నరకానికి ద్వారంగా చెప్పుకుంటారు.