కన్నుల పండుగగా ప్రారంభమైన ఆస్కార్ అవార్డ్స్.!

ఎప్పుడెప్పుడా అని ఎదురుచూస్తున్నా ఆస్కార్ అవార్డ్స్ వేడుక ఆదివారం కన్నుల పండుగగా లాస్ ఎంజిల్స్ లో ప్రారంభం అయ్యింది. ఆస్కార్ అవార్డుల ప్రధాన వేడుక ఆదివారం రాత్రి (భారత కాలమానం ప్రకారం సోమవారం ఉదయం 5.30 గంటల నుంచి) అంగరంగ వైభవంగా ప్రారంభం అయ్యింది. బెస్ట్ యాక్టర్‌, బెస్ట్ యాక్ట్రెస్, బెస్ట్ ఫిల్మ్ అవార్డులు ఎవరిని వరిస్తుందో అని అందరూ ఆసక్తిగా ఎదురు చూస్తున్నారు. అలాగే బెస్ట్ ఒరిజినల్‌ సాంగ్‌ పురస్కారాన్ని ఏ పాట గెల్చుకుంటుందనే ఆసక్తిలో సంగీతాభిమానులు ఉత్కంఠతతో ఎదురుచూస్తున్నారు.
వేడుకకు కౌంట్ డౌన్...

ఆస్కార్‌ అవార్డుల పండగకు కౌంట్‌ డౌన్‌ మొదలైంది. ఆదివారం లాస్‌ ఏంజిల్స్ లో ప్రారంభమైన ఆస్కార్‌ వేడుక కోసం కోట్లాది మంది సినీ ప్రేమికులు ఎదురు చూస్తున్నారు. ఈ ఏడాది బెస్ట్ ఒరిజినల్‌ సాంగ్‌ కోసం హోరాహోరీ పోరు జరుగుతోంది. ఈ రేసులో ఫ్రోజెన్‌ చిత్రంలోని లెట్‌ ఇట్‌ గో సాంగ్‌ మొదటి స్థానంలో ఉంది. ఇడినా మెన్‌జెల్‌ గానం చేసిన ఈ పాట యూ ట్యూబ్‌లో కోట్లాదిమంది హృదయాలను కొల్లగొట్టింది. హాలీవుడ్‌ రిపోర్టర్‌ ఎగ్జిక్యూటివ్‌ ఎడిటర్‌ మాథ్యూ బెల్లోని బెస్ట్ ఒరిజినల్‌ సాంగ్‌ అవార్డును ఈ పాటే గెలుచుకునే అవకాశం ఉందని అభిప్రాయపడుతున్నారు.

భారత్ తరపున ప్రముఖ సంగీతదర్శకుడు, గాయకుడు శంకర్ మహాదేవన్ గానం చేసిన ముఝ్‌సే హోగీ షురువాత్ గీతం కూడా హానెస్టీ ఆస్కార్స్ విభాగంలో నామినేట్ అయింది. మా గీతం ఆ స్కార్హానెస్టీ అవార్డుకు నామినేట్ అయింది. ఈ పాటకు ఓట్ చేయండి అంటూ మహదేవన్ గురువారం ట్విట్టర్‌లో పేర్కొన్న విషయం విధితమే.