నమ్మకంగా ఉండే అబ్బాయిలను నాలాంటి పిచ్చి అమ్మాయిలు చాలా మంది నమ్మరు #mystory360

నా పక్కనే ఉన్నాడు

ఒక రోజు లంచ్ టైమ్ లో ఇద్దరం క్యాంటిన్ కు వెళ్లాం. అంతలో మా ఆఫీస్ నుంచి ఒక అబ్బాయి నాకు ఫోన్ చేసి.. మీ తమ్ముడు ఎక్కడెళ్లాడండీ.. అతని ఫోన్ కలవట్లేదు... కాస్త అర్జెంట్ పని ఉంది అన్నాడు. ఇదిగో నా పక్కనే ఉన్నాడు.. మాట్లాడు అని తనకు ఫోన్ ఇచ్చాను.

ఆ మాటలు విని

అతని ఫోన్ అక్కడే టేబుల్ పై పెట్టి నా ఫోన్లో మాట్లాడుతూ బయటకు వెళ్లిపోయాడు. అక్కడే ఇయర్ ఫోన్స్ కూడా ఉండడంతో నేను తన ఫోన్ తీసుకుని మ్యూజిక్ ప్లేయర్ ఆన్ చేశాను. ఆ మాటలు విని షాక్ అయ్యాను.

అమ్మాయి గురించి

అది నేను తమ్ముడిలా భావించే అతని వాయిసే. అది ఫోన్ రికార్డింగ్ వాయిస్ అనుకుంటాను. అందులో తను మా ఆఫీస్ లోని అమ్మాయిల గురించి చాలా దారుణంగా మాట్లాడాడు.

చాలా అమాయకురాలు

అమ్మాయిల ఎదుట అమాయకంగా నటించే అతను అమ్మాయిల గురించి అలా అసభ్యకరంగా మాట్లాడుతాడని నేను అస్సలు అనుకోలేదు. ఆఫీస్ లో ఒక అమ్మాయి ఉంటుంది. తను చాలా మంచి పిల్ల. చాలా అందంగా ఉంటుంది. కానీ చాలా అమాయకురాలు. అలాంటి పిల్ల గురించి తను అసభ్యంగా మరో వ్యక్తితో తను మాట్లాడాడు.

ఒక రాత్రి గడిపితే చాలు

"దాన్ని ఒక్కసారి అనుభవిస్తే చాలు జన్మ ధన్యం అంటూ చాలా అసభ్యంగా మాట్లాడాడు. నేనైతే ఒక రాత్రి గడిపితే చాలు ప్రపంచాన్నే జయించాను అనుకుంటాను అని అవతలి వ్యక్తి అన్నాడు. దాని ఫిగర్ చూస్తే మతిపోతది.. అవకాశం వస్తే స్వర్గమే అంటూ నేను తమ్ముడిగా భావించే అతను మాట్లాడాడు"

వినలేనంత అశ్లీలంగా

ఇక ఆ ఇద్దరి ఫోన్ సంభాషణ మొత్తం కూడా వినలేనంత అశ్లీలంగా ఉంది. అమ్మాయిలను అంత తక్కువ చేసి మాట్లాడతారా అనిపించింది. కానీ ఆఫీస్ లో మాత్రం ఆ అమ్మాయి ఎదుట మాత్రం చాలా గౌరవంగా ప్రవర్తిస్తాడు.

అక్కాఅక్కా అంటూ

అది విన్న తర్వాత అతన్ని దూరంగా పెట్టాను. ఎందుకంటే నాతో పాటే ఉంటూ అక్కాఅక్కా అంటూ నన్ను ఎంత దారుణంగా మాట్లాడుతున్నాడో అని అనిపించింది. కోపంలో మగవారు మగవారు బూతులు మాట్లాడుకుంటే అంత అసభ్యంగా ఉండదేమోకానీ ఒక అమ్మాయి గురించి టాఫిక్ తీసుకొచ్చి ఆమెను నానా రకంగా మాట్లాడడం సరికాదని నా అభిప్రాయం.

మనస్సులో నీచంగా ఆలోచించే

దీని బట్టి నాకు తెలిసిందేమంటే..చాలామంది అబ్బాయిల వీడిలాగే పైకి సంసారిలా బిల్డప్ ఇస్తారనుకుంటాను. కానీ లోపల మరో మనిషి ఉంటాడు. నీతులు చెబుతూ, అమాయకంగా నటించే ప్రతి వాడు మంచోడు కాదు.

అమాయకంగా నటిస్తూ

పక్కవారి ఎదుట అమాయకంగా నటిస్తూ మనస్సులో నీచంగా ఆలోచించే అబ్బాయిలను ఏ అమ్మాయి కనిపెట్టలేదు.

ఈజీగా నమ్ముతారు

కానీ అమ్మాయిలు అలాంటి అబ్బాయిలనే ఈజీగా నమ్ముతారు. నమ్మకంగా ఉండే అబ్బాయిలను నాలాంటి పిచ్చి అమ్మాయిలు చాలా మంది నమ్మరు. అది అమ్మాయిల తప్పే.

పైకి కోపంగా కనిపించినా

నిజాయితీ గల అబ్బాయిలు పైకి కోపంగా కనిపించినా లోపల మాత్రం స్వచ్ఛమైన మనస్సుతో ఉంటారు. అలాంటి అబ్బాయిలతో స్నేహం చేయండని నా సలహా. నటించే మగవాణ్ని ఎప్పటికీ నమ్మకు సోదరి.