చిన్నారికి Z+ సెక్యూరిటీ!.. వైరల్ అవుతున్న హార్ట్ టచ్చింగ్ వీడియో..చూస్తే మాత్రం..

సోషల్ మీడియాలో రోజూ ఎన్నో వీడియోలు వైరల్ అవుతుంటాయి. అయితే కొన్ని మాత్రమే హృదయానికి హత్తుకునేలా ఉండి, తెలియని ఓ అనుభూతిని పంచుతాయి. అలాంటి ఓ వీడియోనే ఒకటి ఇప్పుడు ఇంటర్నెట్ ప్రపంచాన్ని చుట్టేస్తోంది. వీధి కుక్కలతో రోడ్డపై ఓ చిన్నారి ఆడుకుంటున్న హార్ట్ టచ్చింగ్ వీడియో ఇప్పుడు నెట్టింట్లో తెగ వైరల్ అవుతుంది. ఈ వీడియో.. ఆ పసిదానికి, వీధి శునకాలకు మధ్య ఉన్న స్వచ్ఛమైన స్నేహాన్ని, అచంచలమైన నమ్మకాన్ని కళ్లకు కట్టినట్లు చూపుతోంది.

వైరల్ అవుతున్న వీడియోలో..బిజీగా ఉన్న రోడ్లమీద ఓ చిన్నారి వీధి కుక్కలతో కేరింతలు కొడుతూ ఆడుకోవడం, వాటిపై సరదాగా స్వారీ చేయడం, ఆ కుక్కపైనే కూర్చుని ధైర్యంగా రోడ్డు దాటడం వంటి కనిపిస్తోంది. "ఈ సున్నితమైన శునకాలు ఆమెతో ఆడుకుంటాయి, పరుగులు తీస్తాయి. ఆమె వాటికి ఓ చిన్నారి యువరాణిలా ముద్దుగా వాటిపై స్వారీ చేస్తుంది" అనే టైటిల్ తో ఈడియోని @tivvvvy అనే ఇన్‌స్టాగ్రామ్ యూజర్ తన ఇన్ స్టా అకౌంట్ లో షేర్ చేశారు.

"ఆ చిన్నారికి, ఆ శునకాలకు మధ్య ఉన్నది కేవలం స్నేహం కాదు అంతకు మించిన ఓ అందమైన అనుబంధం. అవి కలిసి ఆడుకుంటాయి, ఆనందంతో గంతులేస్తాయి, ఒక్క క్షణం కూడా ఆ చిన్నారిని విడిచిపెట్టవు. ఆ మూగజీవాలు చిన్నారిని తమ సర్వస్వం అన్నట్లుగా స్వచ్ఛమైన ప్రేమతో, కంటికి రెప్పలా కాపాడుకుంటాయి. వారు కలిసి గడిపే ప్రతి క్షణం నవ్వులతో, నమ్మకంతో, మాటల్లో చెప్పలేని ఆప్యాయతతో నిండి ఉంటుంది" అంటూ షేర్ చేసిన ఈ వీడియోకు భారీగా వ్యూస్,లైక్స్,కామెంట్స్ తో నెటిజన్లు రియాక్ట్ అవుతున్నారు.

ఓ నెటిజన్..ఆమెను దేవుడు ఎన్నుకున్నాడు, అందరూ దీనికి అర్హులు కాదంటూ కామెంట్ చేశారు. పులి అయినా చిరుత పులి అయినా కూడా ఆ చిన్నారిని తాకలేవని తనకి Z+ భద్రత ఉందంటూ చమత్కరిస్తూ మరో నెటిజన్ ఈ వీడియోకి కామెంట్ చేశారు. ఆ చిన్నారికి ఖరీదైన బొమ్మలు అక్కర్లేదు..తన దగ్గరే నిజమైనవి ఉన్నాయంటూ మరికొందరు నెటిజన్లు కామెంట్స్ చేశారు.