మీ చిటికెన వేలు మీ వ్యక్తిత్వం ఎలాంటిదో చెప్తుందా?

మీ చిటికెన వేలు పొట్టిదా?

మీ చిటికెన వేలు చివర, మీ ఉంగరపు వేలు పై కణుపు కన్నా కింద ఉన్నట్లయితే మీరు సిగ్గరి, ఇతరులతో కలవడానికి ఇబ్బందిపడే వ్యక్తి అని అర్థం. మీరు పెద్దకలలను కనే వ్యక్తి కానీ మీ మౌనస్వభావంతో వాటిని నెరవేర్చుకోడానికి కష్టపడుతుంటారు.

మీ చిటికెన వేలు సమానఎత్తులో ఉంటే?

మీ చిటికెన వేలు చివర, ఉంగరపు వేలు పై కణుపుతో సరిసమాన ఎత్తులో ఉంటే, మీరు సంతులిత, మృదు స్వభావి అని అర్థం. మీ చుట్టూ ఉన్నవారు మీరెంత స్నేహస్వభావో, అద్భుత వ్యక్తో తెలుసుకోటానికి మిమ్మల్ని బాగా ఎరిగి ఉండాలని కూడా అర్థం.

మీ చిటికెన వేలు పొడుగు!

మీ చిటికెన వేలు ఉంగరపు వేలు పై కణుపుకన్నా దాటి పొడుగ్గా ఉంటే, దాని అర్థం మీరు ఆకర్షణీయులు మరియు స్నేహశీలి. కానీ అన్నిట్లో మీకు అదృష్టం కలిసిరాదు. అందుకని మిగతా రకాల వారికన్నా మీరు కష్టపడి పనిచేసి మిమ్మల్ని మీరు నమ్మకస్తులుగా నిరూపించుకోవాలి.

మీ చిటికెన వేలు మరింత పొట్టిగా ఉంటే?

ఈ రకాన్ని విశ్లేషించటానికి, మీ అరచేయిని ఒకసారి చూడండి. అన్ని వేళ్ళూ కలిసి అర్ధవృత్తంగా కన్పిస్తూ, మీ చిటికెన వేలు మిగతా వేళ్ళకన్నా చిన్నగా కన్పిస్తుందా? దాని అర్థం మీరు అనేక ఆలోచనలతో, ఆశయాలతో కలల ప్రపంచంలో విహరిస్తుంటారు.కానీ ఈ ప్రపంచంలో వాటిని నిజం చేయటానికి కష్టపడుతుంటారు.

మీ చిటికెన వేలు ఒకే పొడవుతో ఉంటే?

ఇది అరుదైన రకం. కొంతమందికి వారి చిటికెన వేలు,ఉంగరపు వేలుతో సమాన ఎత్తులో ఉంటుంది. దాని అర్థం ఆ వ్యక్తులు అన్నిట్లో ఆధిపత్యం కోరుకుంటారు. వారికి అన్నీ ఒకేసారి కదిలించివేసి నాశనం చేయగల శక్తి కూడా ఉంటుంది.

మీ చిటికెన వేలు చతురస్రంగా ఉంటే?

మీ చిటికెన వేలు చివర బల్లపరుపుగా ఉండి, అడ్డగీతలా కన్పిస్తుంటే, మీ చిటికెన వేలును చతురస్ర రకంగా చెప్పవచ్చు. దాని అర్థం మీవద్ద ప్రశంసించదగ్గ లక్షణాలున్నాయి. మీరు సూటిగా మాట్లాడే వ్యక్తి కావచ్చు. మీ నిజాయితీ, ముక్కుసూటి తత్వం మిమ్మల్ని నమ్మకస్తులుగా మారుస్తాయి.

మీ చిటికెన వేలు కొనదేలి ఉంటే?

మీ చిటికెన వేలు కొనదేలి ఉంటే దాని నలువైపులా ఏటవాలుగా కన్పిస్తుంది. ఇలా ఉన్న వ్యక్తులు రచయితలుగా రాణిస్తారు. ఎంతో వాక్పటిమ కలిగి ఉండి, సందర్భానుసారం వ్యవహరిస్తారు.

మీ చిటికెన వేలు వంపు తిరిగి ఉంది !

మీ చిటికెన వేలు మిగతా వేళ్ళ వైపు కానీ, దూరంగా కాని వంపు తిరిగి ఉన్నట్లయితే, దాన్ని వంకర చిటికెన వేలు అంటారు. దాని అర్థం భయం లేదా సంఘర్షణ. అంటే మీరు సాధారణంగా సంధి కుదిర్చేవారు, శాంతి పెంచేవారు, విడిపోయిన వారి మధ్య వారధిలా నిలబడేవారు.