రొనాల్డిన్హో ఇద్దరు అమ్మాయిలను పెళ్లి చేసుకుంటున్నావ్.. వాళ్లు నీతో ఫుట్ బాల్ ఆడుకోకుండా చూస్కో

ఇద్దరూ కావాలంటా

వారి పేర్లు ప్రిసిల్లా కోయిల్హో, బీట్రెజ్ సౌజా. ఈ ఇద్దరంటే

రొనాల్డినోకు బాగా ఇష్టం. ఇద్దరిలో ఏ ఒక్కరినీ వీడలేనంత ప్రేమ రొనాల్డినోకు ఉంది. మరి ఇద్దరూ కావాలంటే కాస్త కష్టం కదా అని అనుకోవొచ్చు. కానీ రొనాల్డినోకు ఇద్దరూ కావాలంటా. ఇద్దరినీ పెళ్లి చేసుకుంటా.. ఇద్దరమ్మాయిలతో సంసారం చేస్తా అంటున్నాడు. వారిద్దరికీ అన్నింట్లో సమన్యాయం చేస్తాను. ఇద్దరి మధ్య ఏ గొడవలు రాకుండా సుఖపెడతా అంటున్నాడు. మరి ఆ కథ ఏమిటో చూద్దామా.

రొనాల్డిన్హోకు ఇద్దరు అమ్మాయిలతో పెళ్లి

బ్రెజిల్‌ ఫుట్‌బాల్‌ దిగ్గజం రొనాల్డిన్హో ఒకేసారి ఇద్దరు అమ్మాయిలను పెళ్లి చేసుకోకున్నట్లు సమాచారం. 38 ఏళ్ల రొనాల్డిన్హో గత ఏడాది డిసెంబరు నుంచి రియోడిజనారియాలో తన ఇద్దరు ప్రియురాళ్లతో కలిసి ఒకే ఇంట్లో ఉంటున్నాడు.

ప్రేమగా చూసుకుంటున్నాడు

ప్రిసిల్లాతో కొన్నేళ్లుగా ప్రేమలో(2012 నుంచి) ఉన్న ఈ స్టార్‌ ప్లేయర్‌‌, బియాట్రిజ్‌తో మాత్రం 2016 నుంచి అఫైర్‌ కొనసాగిస్తున్నాడు. తన ఇద్దరి ప్రియురాళ్లను రొనాల్డిన్హోఎంతో ప్రేమగా చూసుకుంటున్నాడు.

ఎంగేజ్‌మెంట్‌ రింగ్స్‌

గత ఏడాది జనవరిలో ఇరువురి ముందు పెళ్లి ప్రస్తావన తీసుకురాగా వారు ఒప్పుకున్నారు. ఆ తర్వాత వారికి ఎంగేజ్‌మెంట్‌ రింగ్స్‌ కూడా తొడిగాడు. అంతేకాదు ఇద్దరికి ప్రతి నెల రొనాల్డిన్హో కొంత పాకెట్‌ మనీ కూడా ఇస్తుంటాడట.

ఎటువంటి గొడవలూ లేవు

ఇక ప్రస్తుతానికి ఈ అమ్మాయిలిద్దరి మధ్యా ఎటువంటి గొడవలూ లేవని రొనాల్డినో క్లారిటీ ఇచ్చాడు. రొనాల్డినో సైతం వీరిద్దరినీ ఒకేలా చూస్తుంటాడట. ఇటీవలి తన విదేశీ పర్యటన తరువాత ఇద్దరికీ ఒకే రకమైన పర్ఫ్యూమ్ తెచ్చాడని తెలుస్తోంది.

1500 డాలర్లు

అయితే ఇద్దరు గర్ల్‌ఫ్రెండ్స్ కు రొనాల్డిన్హో నెలనెలా 1500 డాలర్లు ఇస్తున్నాడట. ఆ డబ్బును వాళ్లు నచ్చినట్టుగా ఖర్చు చేయవచ్చు. ఇలా తాను ఎక్కడికి వెళ్లినా ఇద్దరికి ఒకేలాంటి కానుకలు తెస్తుంటాడు. గత ఏడాది రొనాల్డిన్హో తన ఇద్దరి ప్రియురాళ్లతో సన్నిహితంగా ఉన్న ఫొటోలు సామాజిక మాధ్యమాల్లో చక్కర్లు కొట్టాయి. దీనిపై అప్పుడు అతడ్ని వివరణ అడగ్గా.. ఎంగేజ్‌మెంట్‌ జరిగితే తప్పక చెబుతానని చెప్పాడు.

మరోసారి పెళ్లి చేసుకుంటే

బ్రెజిల్‌లో ఒక నియమం ఉంది. ఒకసారి పెళ్లి అయిన వ్యక్తి మరోసారి పెళ్లి చేసుకుంటే అక్కడ చట్ట విరుద్ధం. దీన్ని అతిక్రమించిన వారికి సుమారు ఆరేళ్ల పాటు జైలు శిక్ష విధిస్తారు. ఈ కారణంగానే రొనాల్డిన్హో ఒకేసారి ఇద్దరు ప్రియురాళ్లను పెళ్లి చేసుకుంటున్నట్లు సమాచారం.

ఆగస్టులో పెళ్లి

ఇద్దరమ్మాయిలతో రొనాల్డినో పెళ్లికి పలువురు సెలబ్రిటీలు, ప్రముఖులు రానున్నారట. రియోలోని శాంటా మొనికా కండోమినియంలో ఆగస్టులో పెళ్లి జరుగుతుందని వార్తలు వస్తున్నాయి. అయితే రోనాల్డిన్హో పద్ధతులు నచ్చని అతని సోదరి, తాను మాత్రం ఆ వివాహానికి హాజరుకాబోనని ప్రకటించారు.

998లో ఆరంగ్రేటం

1998లో అంతర్జాతీయ ఫుట్‌బాల్‌ మ్యాచ్‌ల ఆరంగ్రేటం చేసిన రోనాల్డిన్హో.. సొంత దేశం బ్రెజిల్‌ తరపున 97 మ్యాచ్‌లు ఆడి 33 గోల్స్‌ చేశాడు. 2002లో బ్రెజిల్‌కు వరల్డ్‌ కప్‌ దక్కటంలో రోనాల్డిన్హోదే కీలక పాత్ర. తర్వాత బార్సిలోనా తరపున 2003 నుంచి 2008 వరకు ఆడాడు. గతేడాది భారత్‌లో నిర్వహించిన ప్రీమియర్‌ ఫుట్‌ సాల్‌ లీగ్‌లో ఢిల్లీ డ్రాగన్స్‌ తరపున రోనాల్డిన్హో ఆడాడు.

ఇద్దరితో అంటే కాస్త చూస్కో

ఈ ఏడాది జనవరి16న సోదరుడి ద్వారా రోనాల్డిన్హో తన రిటైర్‌మెంట్‌ ప్రకటన చేయించాడు. కాగా రోనాల్డినో ఫుట్ బాల్ లో మంచి పేరు తెచ్చుకున్నాడు కానీ ఇక భార్యల విషయంలో మాత్రం ఎలా ఉంటుందో మరి. ఇద్దరూ భార్యలు కలిసి ఈయన్ని ఫుట్ బాల్ మాదిరి ఆడుకోకుంటే మేలని నెటిజన్లు పేర్కొంటున్నారు. ఒక్కరితో వేగడమే కష్టం.. ఇద్దరితో అంటే కాస్త చూస్కో అంటున్నారు.