Just In
- 1 hr ago ఎన్నికల ముందు ప్రచారంలో గాల్లో మేడలు కడుతున్న నాయకులు..
- 3 hrs ago ఈ 4 రాశులకు శుక్రుడు, రాహువు కలయిక గొప్ప ఫలితాలిస్తాయి, ఏప్రిల్లో డబ్బు వర్షం కురుస్తుంది
- 4 hrs ago First Surya Grahan: ఏప్రిల్ నెలలో మొదటి సూర్య గ్రహణం ఎప్పుడు? సూతక కాలం
- 7 hrs ago నోరూరించే పచ్చి మామిడికాయ గొజ్జు కర్రీ వేడివేడి అన్నంతో తింటుంటే ఆహా అనాల్సిందే..
రియల్ లైఫ్ స్టోరీస్: తన కొడుకును తెల్లగా మార్చేందుకు రోజూ రాయితో రుద్దుతున్న మహిళ
తెల్లటి చర్మం కోసం ఆరాటపడే వారు మార్కెట్లో లభ్యమయ్యే అనేక ఫెయిర్నెస్ క్రీమ్స్ ను ప్రయత్నిస్తూ ఉంటారు. అయితే, ఫెయిర్ స్కిన్ కోసం ఆరాటపడే తత్త్వంలో విచక్షణా జ్ఞానాన్ని కూడా కోల్పోతామని ఈ ఇన్సిడెంట్ స్పష్టం చేస్తోంది.
చదువుకున్న మహిళ ఫూల్ లా బిహేవ్ చేస్తూ తెల్లటి చర్మం కోసం ఆచరించిన పద్ధతులు ఒళ్ళు గగుర్పొడుస్తాయి. ఆ సంఘటనను మీకిప్పుడు వివరిస్తున్నాము.
ఫెయిర్ గా మార్చేందుకు తన కొడుకు ముఖాన్ని రాయితో స్క్రబ్ చేసిన మహిళ తన కొడుకును తెల్లగా మార్చేందుకు తన కొడుకు ముఖాన్ని నల్లటి రాయితో రుద్దుతూ వస్తోంది. ఈ సంఘటన గురించి మరిన్ని వివరాలు మీకోసం.
ఇండియాలో ఈ సంఘటన చోటుచేసుకుంది
ఈ వింత సంఘటన భోపాల్ లో చోటుచేసుకుంది. ఒక మహిళ తన ఐదేళ్ల కుమారుడిని ప్రతి రోజూ నల్లటి రాయితో రుద్దుతోంది. ఆ బాలుడిని తెల్లగా మార్చేందుకు తాపత్రయపడుతోంది.
దత్తతపుత్రుడు
ఆ బాలుడు ఆ మహిళకు స్వంత కుమారుడు కాదు. ఉత్తరాఖండ్ కు చెందిన ఒక జంట వద్ద నుంచి ఈ బాలుడిని ఈ దంపతులు దత్తత తీసుకున్నారు. ఆ బాలుడిని దత్తత తీసుకున్నప్పటి నుంచి దత్తత తీసుకున్న పెంపుడు తల్లి సంతోషంగా లేదు. బాలుడి కాంప్లెక్షన్ విషయమై ఈవిడ ఆవేదన చెందుతూ ఉండేది. ఎలాగైనా, ఈ బాలుడిని తెల్లగా మార్చాలని ఆశపడుతూ ఉండేది.
బాలుడిని తెల్లగా మార్చేందుకు అనేక ప్రయత్నాలు చేసింది
కొన్ని నెలల నుంచి ఈ బాలుడి స్కిన్ టోన్ ని లైట్ గా మార్చేందుకు అనేక ప్రయత్నాలు చేస్తూ వస్తోంది. ఈలోపు ఒక వ్యక్తి నుంచి ఈమెకు ఈ సలహా అందింది. నల్లటి రాయితో రుద్దితే తెల్లగా మారతారని భావించిన ఈ మహిళ అప్పటినుంచి బాలుడిని ప్రతి రోజూ నల్లటి రాయితో రుద్ది హింసిస్తోంది.
ఆమెను అరెస్ట్ చేశారు
ఈ మహిళ యొక్క మేనకోడలు ఈ సంఘటనను చూసి ఈ విషయాన్ని కుటుంబసభ్యులకు తెలియచేసింది. పోలీసుల దృష్టికి ఈ విషయం రావడంతో ఈ మహిళను పోలీసులు అదుపులోకి తీసుకున్నారు. ఆ బాలుడిని మానసికంగా అలాగే శారీరకంగా హింసించడం వలన దత్తత తీసుకున్న మహిళ జైలుపాలైంది. ఆ బాలుడి ఒంటినిండా ఉన్న బొబ్బలు ఇంకా ఆమె అరాచకాన్ని గుర్తుచేస్తూనే ఉన్నాయి.
ఇటువంటి మరొక సంఘటన
తమ చిన్నారి తెల్లగా ఉండాలని ప్రయత్నిస్తున్న వారు విచక్షణాహీనంగా ప్రవర్తిస్తున్నారని అనేక సంఘటనలు నిరూపిస్తున్నాయి. ఇటువంటి భయంకరమైన సంఘటనే మరొక చోట చోటుచేసుకుంది. చిన్నారిని సంరక్షించవలసిన కేర్ టేకర్ చిన్నారిని వాషర్ లో పడేసి స్పిన్నర్ ని రన్ చేశాడు. అలా చేస్తే చిన్నారి తెల్లగా మారుతుందని భావించాడట. అయితే, ఈ సంఘటనలో చిన్నారికి అనేక ఫ్రాక్చర్స్ జరిగాయి.
ఇండియాలో ఫెయిర్ నెస్ కై ఎందుకు ప్రాకులాడుతున్నారు?
ఇటువంటి బాధాకరమైన సంఘటనలు మనసును దిగులుపరుస్తాయి. ఫెయిర్ స్కిన్ కోసం ఇంతగా పాకులాడటం ఎందుకన్న ఆలోచనను కలిగిస్తాయి. తెల్లటి చర్మం కోసం పడే ఆరాటం వలెనే ఇటువంటి సంఘటనలు చోటు చేసుకుంటూ ఉన్నాయి.
ఈ విషయంపై మీ అభిప్రాయాన్ని తెలియచేయండి. కిందనున్న కామెంట్ సెక్షన్ ద్వారా మీ అభిప్రాయాన్ని మాకు తెలియచేయండి.