యువతిపై మూడురోజుల పాటు అత్యాచారం చేసిన రౌడీ షీటర్

ఫూటుగా మద్యం తాగి

ఈ విషయం తెలుసుకున్న అమీర్‌ ఫూటుగా మద్యం తాగి స్టేషన్‌కు వచ్చాడు. ఓ చేతిలో బ్లేడు పట్టుకుని ఠాణా ఎదుటే మద్యం తాగుతూ పోలీసులను దుర్భాషలాడాడు. బ్లేడుతో చేయి కోసుకున్నాడు. అరెస్టు చేస్తే గొంతు కోసుకుంటానని బెదిరిస్తూ..మూడు గంటలపాటు పోలీసులను ముప్పుతిప్పలు పెట్టాడు. మొత్తానికి పోలీసులు అతన్ని అదుపులోకి తీసుకుని అరెస్టు చేసి రిమాండుకు తరలించారు.

వివాహమై ముగ్గురు పిల్లలున్నారు

వారాసిగూడ అంబర్‌నగర్‌కు చెందిన రౌడీషీటర్‌ షేక్‌ అమీర్‌కు వివాహమై ముగ్గురు పిల్లలున్నారు. ఆటో నడుపుతుంటాడు. అంగన్‌వాడీ కేంద్రంలో పనిచేస్తున్న..తన ఇంటికి సమీపంలో ఉండే యువతిని తనను పెళ్లి చేసుకోమని వేధించేవాడు. లేదంటే తల్లిదండ్రులను చంపేస్తానంటూ యువతికి తరచూ ఫోన్‌ చేసి బెదిరింపులకు గురి చేసేవాడు.

తల్లి కళ్లెదుటే యువతిపై అత్యాచారం

ఆమె మాట వినకపోయేసరికి ఇంట్లోకి ప్రవేశించి యువతి తల్లిపై దాడి చేశాడు. ఆ తల్లి కళ్లెదుటే యువతిపై అత్యాచారం చేశాడు. ఇలా 3 రోజులు ఆమెపై అఘాయిత్యానికి పాల్పడ్డాడు. ఎదురుతిరిగిన యువతి తల్లిని కొట్టాడు.

2016 నుంచి వేధింపులు

కాగా అమీర్‌పై పలు కేసులుండటంతో అతడిపై చిలకలగూడ పోలీసులు రౌడీషీట్‌ను తెరిచారు. 2015లో పీడీ యాక్ట్‌ కేసులో జైలుకెళ్లిన అమీర్‌ తిరిగి 2016లో వచ్చాడు. అప్పటి నుంచి యువతిని తీవ్రంగా వేధిస్తున్నాడు.

స్థానికులు ఇంట్లోకి వచ్చారు

వరుసగా మూడు రోజులుగా బాధితురాలిపై అత్యాచారానికి పాల్పడ్డ అతడు ఇటీవల మళ్లీ ఇంట్లోకి ప్రవేశించడంతో పెంపుడు కుక్క అరిచింది. ఆగ్రహంతో అమీర్‌ దాన్ని కొట్టడంతో కుక్క అరుపులు విని స్థానికులు ఇంట్లోకి వచ్చారు. దీంతో అక్కడి నుంచి అమీర్‌ జారుకున్నాడు.

చంపేస్తానంటూ యువతికి బెదిరింపులు

స్థానికులతో కలిసి బాధిత యువతి చిలకలగూడ ఠాణాకెళ్లి ఫిర్యాదు చేశారు. పోలీసులు కేసును నమోదు చేసి.. బాధితురాలి స్టేట్‌మెంట్‌ రికార్డు చేశారు. తర్వాత కాగా కేసు వాపసు తీసుకోవాలని లేదంటే చంపేస్తానంటూ యువతిని అమీర్‌ ఫోన్లో బెదిరించాడు. యువతి తనపై తప్పుడు కేసు బనాయించిదని ఆరోపిస్తూ స్టేషన్‌ ఎదుట మద్యం తాగుగూ తన చేతులను బ్లేడ్‌తో కోసుకున్నాడు. మొత్తానికి పోలీసులు అమీర్‌ను అదుపులోకి తీసుకున్నారు.