కెంపును ఎవరు ధరించవచ్చు ?

మేష రాశి :

జన్మ కుండలిని అనుసరించి సూర్యుడు 5, 6 మరియు 11 వ స్థానాలలో ఉన్న ఎడల, మేష రాశి వారు కెంపును ధరించడం ద్వారా అనేక సానుకూల ఫలితాలని పొందగలరు. సూర్యుడు 11 వ స్థానంలో ఉన్న ఎడల, కనీసం 3 రోజులైనా కెంపును ధరించవలసినదిగా సూచించడమైనది. తద్వారా ఆర్ధిక పరమైన లాభాలనే కాకుండా సంఘంలో గౌరవ ప్రతిష్టలు కూడా పెరుగుతాయి.

వృషభ రాశి :

నిజానికి సూర్యుడు వృషభ రాశి వారికి సానుకూలమైన గ్రహం కానేరదు. కావున వీరు ధరించకపోవడమే అన్ని విధాలా శ్రేయస్కరమని నిపుణులు సూచిస్తుంటారు. వృషభ రాశి వారికి సానుకూల గ్రహంగా శుక్రుడు ఆధిపత్యాన్ని కలిగి ఉంటాడు, ఈ శుక్ర గ్రహం సూర్యునికి శత్రువుగా చెప్పబడుతుంది. జ్యోతిష్య నిపుణుల సూచనల ప్రకారం, అత్యవసరమైన పరిస్థితులలోనే కెంపును ధరించవలసి ఉంటుంది. లేనిచో మీకు కెంపును ఎట్టి పరిస్థితుల్లోనూ సూచించడం జరగదు.

మిధున రాశి :

జన్మ కుండలి ప్రకారం సూర్యుడు 3 లేదా 11 వ స్థానాలలో ఉన్న ఎడల, మిధున రాశికి చెందిన వారు ఎటువంటి ఆలోచనా చేయకుండా ధరించవచ్చు. బుద్ధ-ఆదిత్య యోగం 3,4 మరియు 11 వ స్థానాలలో ఉన్న ఎడల, కెంపును ధరించడం మూలంగా అత్యదిక సానుకూల ఫలితాలను పొందగలరని, అదృష్టం వరిస్తుందని జ్యోతిష్యనిపుణులు సూచిస్తుంటారు. ఇలాంటి పరిస్థితుల్లో కెంపు మాత్రమే కాదు పచ్చ లేదా మరకతాన్ని కూడా ధరించవచ్చు.

కర్కాటక రాశి :

జన్మ కుండలిలో సూర్యుడు 5, 9 మరియు 10 స్థానాలలో ఉన్న ఎడల, కర్కాటక రాశికి చెందినవారు నిర్భయంగా కెంపును ధరించవచ్చు. మిగిలిన స్థానాలలో మాత్రం సూచిoచదగినది కాదు. ఒక వేళ ధరించవలసి వస్తే, జ్యోతిష్యుల సలహా తీసుకోవడం మేలు. లేనిచో ప్రతికూల ప్రభావాలు ఎదురయ్యే అవకాశాలు ఉన్నాయి.

సింహ రాశి :

జన్మ కుండలిని అనుసరించి సూర్యుడు 9 , 5, 11 వ స్థానాలలో ఉన్న ఎడల సింహ రాశి వారు కెంపును ధరించవచ్చని సూచించడమైనది. మరియు మహర్దశ జరుగుతున్న సమయంలో ధరించిన ఎడల, మరియు ముఖ్యంగా 3,6 స్థానాలలో సూర్యుడు ఉన్న పక్షంలో సింహరాశి వారికి కెంపు అనేక ఫలితాలను ఇవ్వడమే కాకుండా సంఘంలో గౌరవ ప్రతిష్టలు పెరిగేలా సహాయం చేయగలదు.

కన్యా రాశి :

కన్యా రాశి వారు మాత్రం ఎట్టి పరిస్థితుల్లో ఈ కెంపును ధరించరాదు. కానీ జన్మ కుండలి ప్రకారం 12 వ స్థానంలో సూర్యుడు ఉన్న ఎడల జ్యోతిష్య నిపుణుల సూచనల ప్రకారం ధరించవచ్చు. ఎటువంటి ఆలోచన లేకుండా కెంపును ధరించడం మూలంగా సామాజిక ఆర్ధిక పరమైన నష్టాలనే కాకుండా మానసిక శారీరిక సమస్యలకు కూడా గురయ్యే అవకాశాలు ఉన్నాయి.

తులా రాశి :

జన్మ కుండలిని అనుసరించి సూర్యుడు 2, 7, 11 వ స్థానాలలో ఉన్న ఎడల, తలా రాశి వారు కెంపును ధరించవచ్చు. ఇది కూడా శుక్రుడు లేదా శని అనుకూల స్థానాలలో లేని ఎడల ధరించవచ్చు. మరియు జన్మ కుండలిని అనుసరించి సూర్యుని మహర్దశ జరుగు సమయంలో ధరించవచ్చు. తద్వారా అనేక సానుకూల ఫలితాలను పొందగలరు.

వృశ్చిక రాశి :

జన్మ కుండలిని అనుసరించి సూర్యుడు 5,6,9 లేదా 10 వ స్థానాలలో ఉన్న ఎడల, వృశ్చిక రాశికి చెందిన వారు కెంపును ధరించవచ్చని సూచించడమైనది. మిగిలిన స్థానాలలో ఉన్న ఎడల కెంపును ధరించక పోవడమే మేలు.

ధనుస్సు రాశి :

జన్మ కుండలిని అనుసరించి సూర్యుడు 5 లేదా 9 వ స్థానంలో ఉన్న ఎడల, ధనుస్సు రాశికి చెందిన వారు కెంపును ధరించవచ్చు. మరియు సూర్య మహర్దశ జరుగుతున్న సమయంలో, ముఖ్యంగా సూర్యుడు 2, 3, 4, 7, 8 లేదా 10 వ స్థానాలలో ఉన్న ఎడల కెంపును ధరించడం ఎంతో మంచిది. కానీ 6, 8, 11 స్థానాలలో ఉన్నప్పుడు మాత్రం కెంపును దరించరాదు.

మకర రాశి :

మకర రాశి అధిపతి శని. శని సూర్యునికి విరోధి కావున, మకర రాశికి చెందినవారు కెంపును ధరించరాదని సూచించబడినది. కొన్ని ముఖ్యమైన పరిస్థితులలో జ్యోతిష్య నిపుణుల సూచనల మేరకు మాత్రమే జన్మ కుండలిని అనుసరించి ధరించవలసి ఉంటుంది. సొంతగా ఆలోచన లేకుండా ధరించడం మూలంగా అనేక సమస్యలను కోరి తెచ్చుకున్నట్లే అని నిపుణులు హెచ్చరిస్తుంటారు.

కుంభ రాశి :

జన్మ కుండలిని అనుసరించి శుక్రుని స్థానాన్ని చూశాక, సూర్యుడు 3 , 7, 10,11 స్థానాలలో ఉన్న ఎడల మహర్దశ సమయంలో మాత్రమే ధరించవలసినదిగా సూచించడమైనది.

మీన రాశి :

జన్మ కుండలిని అనుసరించి సూర్యుడు 6, 2 స్థానాలలో ఉన్న ఎడల, మీన రాశి వారు ధరించవచ్చు. కానీ మిగిలిన స్థానాలలో ఉన్న ఎడల జ్యోతిష్యుని సూచనల మేరకు మాత్రమే ధరించడం మంచిది. లేనిచో ఆర్ధిక, సామాజిక, మానసిక సంబంధిత సమస్యలను చూడవలసి ఉంటుంది.