Air Force Day 2021 :ఇండియన్ ఎయిర్ ఫోర్స్ గురించి ఇంట్రస్టింగ్ విషయాలు...

గగనతలంపై డేగ కన్ను...

భారతదేశం పరిధిలోని గగన తలంపై నిత్యం డేగ కన్నుతో నిఘా వేస్తూ మన దేశాన్ని కాపాడటంలో భారత వైమానిక దళానిది కీలక పాత్ర. అంతేకాదు యుద్ధం వంటి సమయాల్లో శత్రువులపై మెరుపు దాడులు చేయడంలో, ప్రక్రుతి విపత్తుల సమయంలో బాధితులను రక్షించడంలో ఇండియన్ ఎయిర్ ఫోర్స్ సేవలు వెలకట్టలేనివి.

ఎప్పుడు ఏర్పడిందంటే..

ఈ భారతీయ వైమానిక దళాన్ని 1932లో బ్రిటీష్ అధికారులు అక్టోబర్ 8వ తేదీన ఏర్పాటు చేశారు. రెండో ప్రపంచ యుద్ధంలోనూ భారతీయ వైమానిక దళం ఎంతో సాహసోపేతంగా పోరాడింది.

రాయల్ IAF

తొలి రోజుల్లో ఇండియన్ ఎయిర్ ఫోర్స్ ను.. రాయల్ IAFగా పిలిచేవారు. 1950లో భారతదేశం గణతంత్ర దేశంగా ఆవిర్భావించాక అది ఇండియన్ ఎయిర్ ఫోర్స్ గా మారింది.

దాయాదితో మూడు యుద్ధాలు..

ఇండియన్ ఎయిర్ ఫోర్స్ ఏర్పాటైనప్పటి నుండి పాకిస్థాన్ తో మూడు సార్లు యుద్ధంలో పాల్గొంది. చైనాతో 1960లో ఒకసారి పాల్గొంది. ఆపరేషన్ విజయ్, అపరేషన్ మేఘ్ దూత్, ఆపరేషన్ కాక్టస్, ఆపరేషన్ పూమలై వంటి ఆపరేషన్లలో ఇండియన్ ఎయిర్ ఫోర్స్ కీలకంగా వ్యవహరించింది.

ఎయిర్ షో..

ఇండియన్ ఎయిర్ ఫోర్స్ డే సందర్భంగా ప్రతి సంవత్సరం ఎయిర్ షో నిర్వహిస్తారు. ఇందులో హెలికాఫ్టర్లు, ఎయిర్ ఫోర్స్ గరుడ కమెండోలు, ఆయుధాల ప్రద్శనతో పాటు పలు కార్యక్రమాలను చేపడతాయి. ఇప్పటికే దానికి సంబంధించిన వీడియోలను ట్విట్టర్ ద్వారా షేర్ చేసింది.

ట్విటర్లో అభినందనలు..

భారత వైమానిక దళానికి ధన్యవాదాలు తెలుపుతూ భారత క్రికెట్ దిగ్గజం సచిన్ టెండూల్కర్ తో పాటు పలువురు ప్రముఖులు ట్విట్టర్లో అభినందనలు తెలిపారు. ఈరోజు ఇండియన్ ఎయిర్ ఫోర్స్ డే సందర్భంగా దేశం గర్వించదగ్గ వైమానిక యోధులకు వారి కుటుంబాలకు ధన్యవాదాలు తెలుపుతున్నారు.