Basant Panchami 2022:మీ రాశిని బట్టి సరస్వతీ దేవిని ఎలా ఆరాధించాలో చూడండి...

మేష రాశి..

ఈ రాశి వారు తమ లక్ష్యాలను చేరుకోవాలంటే.. మీరు పనిపై ఎక్కువ ఫోకస్ పెట్టాలనుకుంటే.. వసంత పంచమి రోజున సరస్వతీ దేవి కవచాన్ని చదవాలి. దీని వల్ల మీకు మంచి ప్రయోజనాలు దక్కుతాయి.

వృషభ రాశి..

ఈ రాశి వారు సరస్వతీ దేవి అనుగ్రహం కోసం, ఎలాంటి స్వార్థం లేకుండా అంటే నిస్స్వార్థంగా సరస్వతీ దేవిని ఆరాధించాలి. ఆ దేవి విగ్రహానికి తెల్లటి చందనం సమర్పించాలి. అలాగే ఆమె పాదాలపై తెల్లని పువ్వులు సమర్పించాల్సి ఉంటుంది. ఇలా చేయడం వల్ల జ్ణానం పెరుగుతుందని చాలా మంది నమ్ముతారు.

మిధున రాశి..

ఈ రాశి వారు తమ కోరికలు నెరవేరాలంటే, వసంత పంచమి రోజున సరస్వతీ దేవికి గ్రీన్ కలర్ కలాన్ని సమర్పించాలి. దీని వల్ల మీకు కచ్చితంగా ప్రయోజనం ఉంటుంది. అలాగే మీకు వచ్చే అడ్డంకులన్నీ తొలగిపోయే అవకాశం ఉంది.

కర్కాటక రాశి..

ఈ రాశి వారు సరస్వతీ దేవిని ప్రసన్నం చేసుకోవాలంటే.. ఆ దేవీ సంగీత వాయిద్యాన్ని సూచించే వీణా విగ్రహానికి తియ్యని పదార్థాన్ని నైవేద్యంగా సమర్పించాలి. ఈ సమయంలో సంగీతంతో సంబంధం ఉండే వారికి ప్రయోజనకరంగా ఉంటుంది.

సింహ రాశి..

వసంత పంచమి రోజున ఈ రాశి వారు 27సార్లు గాయత్రీ మంత్రాన్ని జపించాలి. ఈ మంత్రాన్ని మీరు ఎంత ఎక్కువగా జపిస్తే అంత మంచి ఫలితలు వస్తాయి. విదేశాల్లో చదవాలనే లేదా చదువుకునే విద్యార్థులకు ఇది ప్రయోజనకరంగా ఉంటుంది.

కన్య రాశి..

ఈ రాశి వారు విద్యార్థిగా ఉండి, ఎంత కష్టపడినా ఆశించిన ఫలితాలు రాకపోతే.. వసంత పంచమి రోజున సరస్వతీ దేవి పాదాల దగ్గర స్టడీ మెటీరియల్ ఉంచి అత్యంత భక్తి శ్రద్ధలతో ప్రార్థించాలని పండితులు చెబుతున్నారు.

తుల రాశి..

ఈ రాశి వారు వసంత పంచమి రోజున బ్రహ్మాణుడికి బట్టలు దానం చేయాలి. సరస్వతీ దేవి ప్రసంగంతో ముడిపడి ఉన్నందున, ఆమె తన భక్తులను అనుగ్రహిస్తుందని చాలా మంది నమ్ముతారు.

వృశ్చిక రాశి..

ఈ రాశి వారికి ఈరోజు జ్ణాపకశక్తికి సంబంధించిన సమస్యలు ఎదురైతే, వసంత పంచమి రోజున సరస్వతీ దేవిని పూజించాలి. ఆ దేవికి ఎరుపు రంగు కలం సమర్పించాలి.

ధనస్సు రాశి..

ఈ రాశి వారిలో విద్యార్థులు ఉన్నత విద్యను అభ్యసించాలని ఆలోచిస్తూ సరైన నిర్ణయాలు తీసుకోలేకపోతే సరస్వతీ పూజ రోజున సరస్వతీ దేవికి పసుపు రంగు మిఠాయిలు సమర్పించాలి. ఇలా చేయడం వల్ల అడ్డంకులన్నీ తొలగిపోతాయి.

మకర రాశి..

ఈ రాశి వారు తమ తెలివిని పెంచుకోవాలనుకుంటే.. సరస్వతీ దేవిని పూజించాలి. వసంత పంచమి రోజున పేదలకు తెల్లని రంగులో ఉన్న ధాన్యాలను దానం చేయాలి.

కుంభ రాశి..

ఈ రాశి వారు సరస్వతీ దేవి ఆశీర్వాదం కావాలనుకుంటే.. వసంత పంచమి రోజున పిల్లలకు లేదా విద్యార్థులకు స్కూల్ బ్యాగులను దానం చేయాలి.

మీన రాశి..

ఈ రాశి వారు కెరీర్ సంబంధిత సమస్యలతో బాధపడుతుంటే.. ఉద్యోగంలో మీరు సంతోషంగా లేకపోతే.. వసంత పంచమి రోజున విద్యార్థినులకు పసుపు రంగు వస్త్రాలు దానం చేయాలి. ఇలా చేయడం వల్ల సరస్వతీ దేవి అనుగ్రహం పొందొచ్చు.

గమనిక : ఇక్కడ ఇవ్వబడిన సమాచారం జ్యోతిష్యశాస్త్ర పండితుల అభిప్రాయాలు, ఊహాలపై ఆధారపడి ఉంటుంది. దీన్ని నమ్ముతారా లేదా అనేది మీ ఇష్టం. ఈ కథనానికి బోల్డ్ స్కై తెలుగుకు ఎలాంటి సంబంధం లేదని గుర్తుంచుకోగలరు. మీకు ఏవైనా పరిహారాలు కావాలంటే.. వ్యక్తిగత జ్యోతిష్యుడిని సంప్రదించాలి.