Cyclone Jawad : తుఫాను వేళ.. తుఫానుకు ముందు, తర్వాత సురక్షితంగా ఉండేందుకు ఇలా చేయండి...

పుకార్లను నమ్మకండి..

తుఫాను సమయంలో వాస్తవాల కంటే పుకార్లు విపరీతంగా ప్రచారంలోకి వస్తుంటాయి. దీని వల్ల ఏవేవో అనర్థాలు జరుగుతూ ఉంటాయి. కాబట్టి అలాంటి వాటి పట్ల అప్రమత్తంగా ఉండాలి.

* తుఫాను లేదా ఏదైనా విపత్తుల సమయంలో పుకార్లను అస్సలు నమ్మకండి. ప్రశాంతంగా ఉండండి.. భయపడకుండా ధైర్యంగా ఉండండి.

* కమ్యూనికేషన్ కోసం మీ మొబైల్ ఫోన్ ను ఫుల్ ఛార్జింగులో ఉంచుకోండి.

* రేడియోను ఎక్కువగా వినండి. టివిలో న్యూస్ చూస్తూ ఉండండి. వాతావరణ విశేషాల కోసం కొన్ని వార్తాపత్రికలను చూడండి.

* మీ విలువైన పత్రాలు మరియు విలువైన వస్తువులను నీరు రాకుండా ఉండే ప్రదేశంలో ఉంచండి.

* అవసరమైన వస్తువులతో అత్యవసర సామాగ్రిని సిద్ధం చేసుకోండి.

* జంతువుల భద్రతను గుర్తుంచుకోండి.

అధికారిక ప్రకటనలనే..

* ఎలక్ట్రికల్ మరియు గ్యాస్ సరఫరాను ఆపేయండి.

* మీ తలుపులు, కిటికీలు మూసి ఉంచండి.

* మీ ఇల్లు సురక్షితం కాదని భావిస్తే, తుఫాను రావడానికి ముందే సురక్షిత ప్రాంతాలకు చేరుకోండి.

* ఉడికించిన లేదా క్లోరినేటెడ్ నీటినే తాగాలి.

* అధికారిక హెచ్చరికలను మాత్రమే ఫాలో అవ్వండి.

ఇలా చేయొద్దు..

* మీరు తుఫాను సమయంలో దెబ్బతిన్న భవనాలలోకి ప్రవేశించకండి.

* విరిగిన విద్యుత్ స్తంబాల దగ్గరకు వెళ్లకండి.

* తెగిపడిన విద్యుత్ తీగలను పట్టుకోకండి.

* పదునైన వస్తువులకు దూరంగా ఉండండి.

* వీలైనంత త్వరగా సురక్షిత ప్రాంతాలకు వెళ్లండి.

మీరు ఉండే ప్రాంతాల్లో..

* మీరు ఆశ్రయం పొందిన చోట నుండి.. ఇంటికి వెళ్లడానికి సురక్షితమని భావించినప్పుడు అడుగు ముందుకేయండి.

* ముందుగానే అంటువ్యాధుల నివారణ టీకాలు వేయించుకోండి.

* వేలాడుతున్న తీగలకు దూరంగా ఉండండి.

* తుఫాను సమయంలో డ్రైవింగులో ఉంటే జాగ్రత్తగా ఉండండి.

* మీరు ఉండే ప్రదేశంలో శిథిలాలను క్లియర్ చేయండి.

వ్యూహాత్మకంగా వ్యవహరించాలి..

ప్రకృతి వైపరీత్యాలు తరచుగా ప్రజల ఇళ్లకు మరియు ఆస్తికి తీవ్ర నష్టం కలిగిస్తాయి. ఇలాంటి సమయాల్లో వ్యూహాత్మకంగా వ్యవహరించడం ముఖ్యం. ఈ సమయంలో తగినంత సురక్షితమైన నీటిని అందుబాటులో ఉంచుకోవాలి. అలాగే నిత్యవసరాలను కూడా వీలైనంత మేరకు దగ్గర ఉంచుకోవాలి. అలాగే పుకార్లను నమ్మకూడదు. అధికారిక ప్రకటనలనే నమ్మాలి. ఇతరులను అప్రమత్తం చేయాలి. అత్యవసర సమయంలో ప్రభుత్వ యంత్రాంగం సహాయం కోరవచ్చు. ఇందుకోసం ప్రభుత్వ కార్యాలయాల్లో ఏర్పాటు చేసే కంట్రోల్ రూమ్ నెంబర్లకు ఫోన్ చేయాలి. ఇలా చేయడం వల్ల మీకు కావాల్సిన సహాయాన్ని పొందొచ్చు.