కరోనా ఎఫెక్ట్ : 45 రోజులుగా ఇంటికెళ్లని నర్సు.. తన పెళ్లిని కూడా వాయిదా వేసుకుంది...

రెండు వారాల డ్యూటీ తర్వాత..

కేరళలోని కొట్టాయం ప్రాంతంలోని ఓ ఆసుపత్రిలో నర్సుగా పని చేస్తున్న సౌమ్యకు ముందుగా ఏప్రిల్ 8వ తేదీన త్రిక్కారిపూర్ కు చెందిన రేజీ నారియన్ పెళ్లి చేయాలని కుటుంబ సభ్యులు నిర్ణయించారు. కరోనా లాక్ డౌన్ నేపథ్యంలో ఈ నెల 26వ తేదీకి వాయిదా వేశారు. అయితే లాక్ డౌన్ మే 3వ తేదీ వరకు పొడిగించడంతో పరిస్థితులన్నీ తారుమారయ్యాయి.

సెలవులు కూడా

అంతకుముందు ఆ నర్సు కరోనా వైరస్ నేపథ్యంలో క్వారంటైన్ వార్డులో విధులు నిర్వహించింది. ఆ తర్వాత ఆమె వివాహ కార్యక్రమం ఉందని ఉన్నతాధికారులకు చెప్పడంతో ఆమెకు రెండు వారాలు సెలవులు కూడా మంజూరయ్యాయి.

పెళ్లి చేసేందుకు సిద్ధమైన పెద్దలు..

అయితే కరోనా లాక్ డౌన్ నేపథ్యంలో అతి కొద్ది మంది సమక్షంలో ఈ నెల 26వ తేదీన ఆమెకు పెళ్లి చేయాలని పెద్దలు నిర్ణయం తీసుకున్నారు. అయితే అప్పటికే ఆమె కరోనా వైరస్ వార్డులో విధులు నిర్వహించింది. ఆమెకు సెలవులు మంజూరైనప్పటికీ, ఆమె వాటిని వద్దనుకుని, పెళ్లిని వాయిదా వేసుకోవాలని నిర్ణయించుకుంది.

తిరిగో కోవిద్-19లోకి..

కరోనా వైరస్ లాక్ డౌన్ సంక్షోభం తన వివాహ తేదీ గురించి నిర్ణయం తీసుకుంటామని వారి కుటుంబ సభ్యులు తెలిపారు. దీంతో ఆమె మరో రెండు వారాల పాటు క్వారంటైన్ వార్డులో విధులు నిర్వహించాల్సిన పరిస్థితులు అనివార్యమయ్యాయి.

తమ బంధువుల మాదిరిగా..

ఐసోలేషన్ వార్డుల్లో ఉన్న ప్రతి ఒక్కరూ తమ బంధువుల మాదిరిగా ఉన్నారని నర్సుగా పని చేస్తున్న సౌమ్య అంటున్నారు. అంతేకాదు అదే తనకు పెద్ద ఇల్లుగా భావిస్తున్నానని చెప్పారు. ఇప్పటివరకు తాను నెలన్నరరోజులుగా ఇంటికే వెళ్లలేదని చెప్పారు.

తనతో పాటు

తనతో పాటు మరో 24 మంది నర్సులు కూడా రెయిన్ బో ఆసుపత్రిలో క్వారంటైన్ లో ఉన్నారని చెప్పారు. తాను కూడా ఈ నెల 20వ తేదీన తిరిగి విధుల్లోకి చేరనున్నట్లు చెప్పారు.