వైరల్ : ఈ ఫొటోకు క్యాప్షన్ చెబితే మహింద్రా స్కేల్ మోడల్ కారు గెలుచుకోవచ్చట...

క్యాప్షన్ చెబితే కారు..

తాజాగా ఆనంద్ మహీంద్రా ట్విట్టర్లో ఓ ఫొటోను షేర్ చేశాడు. ఆ ఫొటోకి తగ్గట్టు మంచి క్యాప్షన్ చెబితే.. మహీంద్ర మోడల్ స్కేల్ కారు బహుమతిగా లభిస్తుందని పేర్కొన్నాడు.

డిటిహెచ్ పై ఓ కోతి తిష్ట..

ఓ ఇంటి పైకప్పు మీద ఉన్న డిటిహెచ్ యాంటీనాపై ఓ కోతి తిష్ట వేసింది. ఆ ఫొటోకు చక్కని క్యాప్షన్ పెడితే రెండు మహీంద్రా స్కేల్ మోడల్ కార్లు ఇస్తానని చెప్పారు. ఈ క్యాప్షన్ హిందీ, ఇంగ్లీష్ లో పంపవచ్చని (అక్టోబర్ 11వ తేదీ మధ్యాహ్నం 2 గంటలలోపు డెడ్ లైన్) చెప్పాడు.

నెటిజన్ల ఆసక్తి..

దీంతో నెటిజన్లు ఆ ఫొటో గురించి మంచి క్యాప్షన్ పెట్టేందుకు చాలా ఆసక్తి చూపారు. ఒక్కొక్కరు ఒక్కోలా ట్రై చేశారు. ఎవరికి వారు తమకు మహీంద్రా స్కేల్ మోడల్ కారు కోసం తెగ ప్రయత్నించారు. మరి బెస్ట్ క్యాప్షన్ ఎవరు పెట్టారు.. ఎవరు విజేతగా నిలిచారనే విషయాన్ని ఆనంద్ మహీంద్రా వెల్లడించలేదు. త్వరలోనే వారికి ఆ బహుమానం ఇచ్చే అవకాశం ఉంది.

సోషల్ మీడియా పవర్... ‘బాబా కా దాబా'కు భలే గిరాకీ... ఒక్క రోజులోనే ఎంతలా పెరిగిందో చూడండి...

బొమ్మలాంటి కారు..

ఇక్కడే చాలా మంది పొరపాటు పడ్డారు. చాలా మంది స్కేల్ మోడల్ కారు నిజమైన కారు అని అనుకున్నారు. కానీ స్కేల్ మోడల్ కారు అంటే చిన్న బొమ్మ లాంటి కారు అని అర్థం. ఈ విషయాన్ని ఆనంద్ మహీంద్రా ట్విట్టర్ పోస్టులో స్పష్టంగా రాశారు.

నిజమైన కారులాగే..

అయితే స్కేల్ మోడల్ కారు కూడా నిజమైన కారులాగే ఉంటుంది. అయితే దీని విలువ లక్షల రూపాయల్లో ఉండదు. కేవలం వేల రూపాయల్లో మాత్రమే ఉంటుంది. కాబట్టి స్కేల్ మోడల్ కారంటే ఎన్ని లక్షలో ఉంటుందని అనుకోకండి సుమా...!