వైరల్ వీడియో : కన్నతల్లిని ఢీకొట్టిందనే కోపంతో కారును కాలితో తన్నిన బుడ్డోడు... ఇంకా ఏం చేశాడంటే..

తల్లిబిడ్డల అనుబంధం...

తల్లిబిడ్డల అనుబంధానికి మించినది ఈ ప్రపంచంలో ఏదీ లేదు. తల్లి యొక్క విలువను తెలుసుకోవాల్సిన అవసరం ఎంత ఉందో ఈ కింది వీడియో చూస్తే మీకే అర్థమవుతుంది. ఓ బుడ్డోడు తన తల్లిపై తనకు ఎంత అమితమైన ప్రేమ ఉందో ఆ సీన్ చూస్తే మీకే అర్థమవుతుంది.

కారు ఢీకొనడంతో..

చైనా దేశంలోని చాంగ్ కింగ్ లో ఓ బుడ్డోడు తన తల్లితో కలిసి జిబ్రాక్రాసింగ్ మీదుగా రోడ్డును దాటుతున్నాడు. అంతలో ఒక కారు వచ్చి తల్లీబిడ్డలు ఇద్దరినీ ఢీకొనడంతో వారు కింద పడ్డారు. ఆ మరుక్షణమే ఈ బుడ్డోడు తేరుకొని తన తల్లికి ఏమైందో అని గాబరగా చూశాడు. అంతే ఒక్కసారిగా తనలో కోపం పెరిగిపోయింది..

కోపం తట్టుకోలేక కారును కాలితో..

వెంటనే సినిమాలో హీరోలా పైకి లేచి తమ ప్రమాదానికి కారణమైన కారును కాలితో తన్నాడు. అంతటితో ఆ బుడ్డోడు ఆగలేదండోయ్. కారులో కూర్చున్న వ్యక్తిని ధైర్యంగా ఎదిరించాడు. అయితే కారులో వ్యక్తి బయటకు రావడంతో మళ్లీ తన తల్లి దగ్గరికి వెళ్లాడు.

గుమిగూడిన జనాలు..

ఆ సంఘటనను చూసిన చుట్టుపక్కల జనాలు వెంటనే అక్కడ గుమిగూడారు. కారు నడిపిన వ్యక్తి కూడా ఆ బుడ్డోడి ధైర్యాన్ని మెచ్చుకున్నాడు. అదే కారులోనే వారిని చికిత్స నిమిత్తం ఆసుపత్రికి తీసుకెళ్లాడు. ఈ సంఘటనకు సంబంధించిన వివరాలన్నీ అక్కడ సీసీ కెమెరాల్లో రికార్డు అయ్యాయి.

తల్లీ బిడ్డల మధ్య ప్రేమ..

అయితే అదృష్టవశాత్తు ఈ ప్రమాదంలో తల్లీ బిడ్డలకు ఎలాంటి గాయం కాలేదు. ఈ ప్రమాదానికి తానే పూర్తి బాధ్యత వహిస్తున్నట్టు ఆ కారు డ్రైవర్ చెప్పినట్టు పోలీసులు తెలిపారు. చూశారు కదా తల్లీబిడ్డల మధ్య ప్రేమ ఎంత విలువైనదో.. ఎంత స్వచ్ఛమైనదో ఈ వీడియోను ఒక చిన్న ఉదాహరణగా చెప్పొచ్చు.

ఈ ఆర్టికల్ మీకు నచ్చినట్లయితే మీ బంధు మిత్రులకు, మీ ప్రియమైన వారికి షేర్ చేయండి. ఇలాంటి వైరల్, ప్రత్యేక, ఆరోగ్య, సౌందర్య, జీవనశైలి, ఆహార, లైంగిక, వ్యాయామ, ఆద్యాత్మిక, జ్యోతిష్య, హస్త సాముద్రిక, తదితర సంబంధిత విషయాల కోసం బోల్డ్స్కై పేజీని తరచూ సందర్శించండి. ఈ ఆర్టికల్ పై మీ అభిప్రాయాలను కామెంట్స్ విభాగంలో తెలియజేయండి.