Vruschika Rasi Ugadi Rasi Phalalu 2022: ‘శుభకృత’ ఏడాదిలో వృశ్చిక రాశి వారి జాతకం ఎలా ఉంటుందంటే...!

ఆదాయం-14, వ్యయం-14

ఈ రాశి వారికి తెలుగు నూతన సంవత్సరంలో ఆదాయం, వ్యయం సమానంగా ఉంటాయి. ఈ ఏడాదిలో ఆర్థిక పరంగా ఎక్కువ డబ్బు వస్తుంది. అయితే, ఖర్చులు కూడా అదే స్థాయిలో ఉంటాయి. ఈ రాశి వారికి విశాఖ నక్షత్రం 4వ పాదం, అనురాధ నక్షత్రం 1, 2,3,4 నాలుగు పాదాలు, జ్యేష్ట నక్షత్రం 1,2,3,4 నాలుగు పాదాలు, మొత్తం 9 నక్షత్ర పాదాలుంటాయి.

రాజపూజ్యం-03, అవమానం-01

ఈ ‘శుభకృత' నామ సంవత్సరంలో ఈ రాశి వారికి గురు గ్రహ ప్రభావం వల్ల 2022 ఏప్రిల్ మాసం నుండి సంతానానికి సంబంధించిన విషయాల్లో అనుకూల ఫలితాలు ఏర్పడొచ్చు. మరోవైపు ప్రేమ వివాహాలు చేసుకోవాలనుకునే వారికి అనుకూలంగా ఉంటుంది. వీరికి పెద్దల నుండి అనుమతి లభిస్తుంది. విడిపోయిన వారు తమ బంధాలను మళ్లీ తిరిగి కొనసాగిస్తారు. స్నేహితుల వల్ల లాభపడతారు. మొత్తానికి గురు గ్రహం అనుగ్రహం సంపూర్ణంగా ఉండటంతో ఈ ఏడాది వృశ్చిక రాశి వారికి శుభ ఫలితాలు ఏర్పడనున్నాయి.

శని ప్రభావం వల్ల..

తెలుగు నూతన సంవత్సరంలో వృశ్చిక రాశి వారికి శని గ్రహం ప్రభావం వల్ల ఏప్రిల్ 2022 నుండి 2023 జనవరి 17వ తేదీ వరకు కొద్దిగా మానసిక ధైర్యం తగ్గుతుంది. మరోవైపు ప్రభుత్వ ఉద్యోగులకు సులభంగా సంపాదన లభిస్తుంది. అయితే 2023 జనవరి నుండి మీకు ప్రశాంతత అనేది కరవవుతుంది. విద్యార్థులకు కొన్ని ఆటంకాలు ఏర్పడతాయి. అయితే ఈ ఏడాది ఈ రాశి వారికి ఏలి నాటి శని లేదు.

రాహు ప్రభావం..

తెలుగు నూతన సంవత్సరంలో కేతు ప్రభావం వల్ల ఈ రాశి వారికి ఆరోగ్య పరంగా అడ్డంకులన్నీ తొలగిపోతాయి. మీరు దీర్ఘకాలిక రోగాల నుండి ఉపశమనం పొందుతారు. మరోవైపు ఈ కాలంలో మీరు శత్రువుల బాధ నుండి విముక్తి పొందుతారు. ప్రత్యర్థుల కుట్రలను మీరు భగ్నం చేస్తారు. మొత్తానికి ఈ ఏడాది రాహువు ప్రభావం వల్ల మీకు శుభ ప్రదమైన ఫలితాలు ఏర్పడతాయి.

కేతు ప్రభావం..

ఈ రాశి వారికి తెలుగు నూతన సంవత్సరంలో కేతువు ప్రభావం వల్ల, మీరు చేపట్టే ప్రయత్నాల్లో ప్రారంభంలో కొన్ని ఆటంకాలు ఏర్పడతాయి. ఆలోచనలేవీ కలసి రాకపోవడంతో ఒక రకమైన అశాంతిని ఎదుర్కోవాల్సి ఉంటుంది. అయితే ఈ కాలంలో మీకు ఆధ్యాత్మిక విషయాల్లో ఆసక్తి పెరుగుతుంది. మీ మనసులో ఆలోచనలు వేగంగా మారుతూ ఉంటాయి. చివరగా కేతువు వల్ల ఈ రాశి వారికి ఈ ఏడాది ప్రతికూల ఫలితాలు ఉండవు.

పరిహారాలివే..

ఈ సంవత్సరంలో మీరు ప్రతికూల ప్రభావాలను అధిగమించేందుకు నిత్యం వినాయకుడిని ఆరాధించాలి. అలాగే మరకగత గణపతిని పూజించాలి. తెల్లజిల్లేడు వేరుతో చేసిన వినాయకుడికి ప్రత్యేక పూజలు చేయడం వల్ల శుభ ఫలితాలు పొందుతారు. శని భగవానుడి అనుగ్రహం పొందడానికి నిత్యం ఈశ్వరుడిని స్మరించుకోవాలి. శనివారం రోజున నల్లనువ్వులను నానబెట్టి.. వాటిని బెల్లంతో కలిపి గోమాతకు తినిపిస్తే మంచి ఫలితాలొస్తాయి. ఆవుకు ఇతర ఆహార పదార్థాలు అందించాలి. వీలైతే గోశాలకు వెళ్లి గోసేవ చేసి.. కుదిరితే ఆర్థిక సాయం చేయాలి.