బాలీవుడ్ బాద్ షా పంచె కట్టులో తిరుమల శ్రీ వెంకటేశ్వర స్వామిని దర్శించుకున్న షారుఖ్ ఖాన్..

బాలీవుడ్ సూపర్ స్టార్ షారుక్ ఖాన్ ఈరోజు తిరుపతిలోని శ్రీవేంకటేశ్వర స్వామి ఆలయాన్ని సందర్శించారు. సాంప్రదాయకమైన తెల్లటి చొక్కా, ధోతీ దుస్తులు ధరించి షారుక్ ఖాన్ వెంకటేశ్వర స్వామిని దర్శించుకున్నారు. హిందూ సంప్రదాయం ప్రకారం తిరుమల తిరుపతి నియమ నిబంధనలు ప్రకారం షారుక్ ఖాన్ సంప్రదాయ దుస్తులు ధరించి శ్రీ వెంకటేశ్వర స్వామిని దర్శించుకున్నారు.

వైష్ణోదేవి ఆలయంలో ఆశీస్సులు పొందిన తర్వాత, సూపర్ స్టార్ షారుక్ ఖాన్ మంగళవారం తెల్లవారుజామున ఆంధ్రప్రదేశ్‌లోని తిరుపతికి చేరుకున్నారు. తన రాబోయే చిత్రం జవాన్ విడుదలకు సిద్ధమవుతున్న షారుక్ ఖాన్, తన సహనటి నయనతార మరియు కుమార్తె సుహానా ఖాన్‌తో కలిసి తిరుపతిలోని శ్రీ వెంకటేశ్వర స్వామి ఆలయాన్ని సందర్శించి దేవుని దర్శనం చేసుకున్నారు.

అయితే దీన్ని కొందరు వ్యతిరేకించారు. షారుక్ ఖాన్‌ను ఆలయంలోకి అనుమతించరాదని పలువురు డిమాండ్ చేశారు. అంతే కాకుండా ఈరోజు పంచె కట్టులో తిరుమలో శ్రీ వెంకటేశ్వర స్వామిని ఓ హిందువులా దర్శించుకోవడం బాలీవుడ్ బాద్ షాను హర్షించి దగ్గ విషయం.

ఖారుఖ్ ఖాన్ భార్య గౌరీ హిందువు. ఈ కారణంగానే షారుక్‌ ఖాన్‌కు హిందూమతంపై కూడా అభిమానం ఉంది. తన భార్య హిందువు కావడంతో షారుక్ ఖాన్ కూడా ఇతర ఆలయాలకు వెళ్లి వినాయకుడి పూజల్లో పాల్గొంటాడు. గతంలో కూడా ఆయన పలు ఆలయాలను సందర్శించారు.

జవాన్ ప్రీ రిలీజ్ ఈవెంట్ కోసం చిత్ర బృందం ఇటీవల చెన్నైకి విచ్చేశారు. తమిళ పరిశ్రమకు చెందిన నటీనటులు మరియు సిబ్బంది మరియు ప్రతిభావంతులైన నటీనటులు మరియు సంగీతకారులు ఈ కార్యక్రమంలో పాల్గొన్నారు.

జవాన్ ట్రైలర్‌లో షారుఖ్ ఖాన్ డ్యూయల్ రోల్‌లో చాలా పోస్టర్లు ఉన్నాయి. ప్రియమణి, సన్యా మల్హోత్రా, సంజీతా భట్టాచార్య, గిరిజా ఓక్, లెహర్ ఖాన్ మరియు అలియా ఖురేషీలతో కూడిన ఆరుగురు మహిళల బృందం మెట్రోను హైజాక్ చేయడంతో కథ ప్రారంభమవుతుందని సమాచారం.