Teachers Day 2023: సర్వేపల్లి రాధాకృష్ణన్ చెప్పిన ఈ మాటలు అక్షర సత్యాలు

Updated: Monday, September 4, 2023, 16:39 [IST]

Teachers Day 2023: మాతృ దేవో భవ, పితృ దేవో భవ, ఆచార్య దేవో భవ.. తల్లిదండ్రుల వంటి ప్రత్యక్ష దైవాల తర్వాతి స్థానం గురువుదే. గురువు స్థానం అత్యంత విలువైనది. విద్యా బుద్ధులు నేర్పడంతో పాటు మానవ విలువలు చెప్పే గొప్ప వ్యక్తి. ప్రతి ఒక్కరి జీవితంలో గురువు ఉంటారు. అది విద్యాబుద్ధులు చెప్పే వారు, జీవిత పాఠాలు బోధించే వారు, జీవన నైపుణ్యాలు నేర్పే వారు ప్రతి ఒక్కరి జీవితంలో ఉంటారు. అందుకే ఉపాధ్యాయ వృత్తి కంటే గౌరవనీయమైనది, బాధ్యతాయుతమైనది మరొకటి ఉండదంటే అతిశయోక్తి కాదు.

Teachers Day 2022: Inspirational Quotes By Dr Sarvepalli Radhakrishnan in Telugu

సెప్టెంబర్ 5 వ తేదీన డాక్టర్ సర్వేపల్లి రాధాకృష్ణన్ జయంతి సందర్భంగా ఉపాధ్యాయ దినోత్సవం(Teachers Day) జరుపుకుంటాం. డాక్టర్ సర్వేపల్లి రాధాకృష్ణన్ తత్వవేత్త నుండి భారత రాష్ట్రపతి వరకు వివిధ పాత్రలు పోషించారు. అయితే ఉపాధ్యాయుడిగా ఆయన చేసిన కృషిని ప్రజలు ఎక్కువగా గుర్తుంచుకుంటారు. రాధాకృష్ణన్ తన జీవితాన్ని విద్య కోసం, విద్యారంగంలో ప్రమాణాలను మెరుగుపరచడం కోసం అంకితం చేశారు. "నా పుట్టినరోజును జరుపుకునే బదులు, సెప్టెంబర్ 5ని ఉపాధ్యాయ దినోత్సవంగా పాటిస్తే అదృష్టంగా భావిస్తాను" అని డాక్టర్ రాధాకృష్ణన్ 1962లో చెప్పారు. అప్పటి నుండి, ఆయన పుట్టినరోజున, అంటే సెప్టెంబర్ 5న దేశవ్యాప్తంగా ఉపాధ్యాయ దినోత్సవాన్ని జరుపుకుంటారు.

Teachers Day 2023: Inspirational Quotes By Dr Sarvepalli Radhakrishnan in Telugu

భారతరత్న డాక్టర్ రాధాకృష్ణన్ ప్రతి ఒక్కరికీ విద్య అందించడం కోసం నిస్వార్థంగా పని చేశారు. నిష్కళంకమైన సేవలు అందించారు. చాలా మందికి ఆయన ఓ రోల్ మోడల్. జీవితాన్ని ఉత్తమంగా తీర్చిదిద్దుకునేందుకు ఆయన పలు సందర్భాల్లో కొన్ని కోట్స్ చెప్పారు. వాటి గురించి ఇప్పుడు తెలుసుకుందాం.