బంగారం ధర తగ్గినా ఈ స్థాయి వద్ద ఉన్నప్పుడే కొనండి.. సామాన్యులకు కీలక సూచన చేస్తున్న ఆర్థిక నిపుణులు

ఇటీవలి కాలంలో భారీ ర్యాలీ తర్వాత బంగారం మార్కెట్‌లో తగ్గుదల కనిపిస్తోంది. MCX గోల్డ్ ధరలు గత కొన్ని రోజులుగా డౌన్ సంకేతాలను చూపుతూ, ప్రతికూల దిశలో స్వల్ప దిద్దుబాటు జరగొచ్చని నిపుణులు సూచిస్తున్నారు. నువామా ప్రొఫెషనల్ క్లయింట్స్ గ్రూప్, ఫారెక్స్ & కమోడిటీస్ హెడ్ అభిలాష్ కోయిక్కర మాట్లాడుతూ.. Gold ధరలు తాత్కాలికంగా తగ్గుముఖం పట్టే అవకాశం ఉందని, వ్యాపారులు జాగ్రత్తగా వ్యవహరించాలని హెచ్చరించారు.

అభిలాష్ కోయిక్కర తెలిపిన వివరాల ప్రకారం.. MCX గోల్డ్ ఇటీవలి ర్యాలీ తర్వాత లాభాల బుకింగ్ దశలోకి ప్రవేశించింది. ధరలు విస్తృత శ్రేణిలో ట్రేడవుతున్నాయి. అయితే ఊపు తగ్గిపోవడంతో మార్కెట్ తాత్కాలికంగా స్థిరపడే సూచనలు ఉన్నాయి. ప్రస్తుతానికి బంగారం ధరలు రూ. 1,17,000 నుండి రూ. 1,15,000 మధ్య స్థాయిని పరీక్షించే అవకాశం ఉందని ఆయన చెప్పారు. ఈ స్థాయిలు కీలక మద్దతు ప్రాంతాలుగా పరిగణించవచ్చు. అంటే ఈ స్థాయిలో ఉన్నప్పుడు బంగారాన్ని కొనుగోలు చేస్తే లాభాలు బుక్ చేసుకునే అవకాశం ఉందని చెబుతున్నారు.

అయితే దీర్ఘకాలిక దృష్టిలో బంగారం కోసం దృక్పథం ఇంకా సానుకూలంగానే ఉందని ఆయన వివరించారు.మొత్తం నిర్మాణం మధ్యస్థం నుండి దీర్ఘకాలికంగా పాజిటివ్‌గా ఉంది. అయితే స్వల్పకాలిక బలహీనతను విస్మరించలేమని అభిలాష్ పేర్కొన్నారు. రూ. 1,22,500 వద్ద గట్టి నిరోధం (రెసిస్టెన్స్) ఉన్నదని తెలిపారు. ఆ స్థాయిలో ఉన్నప్పుడు కొంటే నష్టాల బాట పడతారని చెబుతున్నారు. ఆ స్థాయి కంటే పైన స్థిరమైన ముగింపు వస్తేనే బుల్లిష్ ఊపు తిరిగి వస్తుందని చెబుతున్నారు. అంతవరకు, ప్రపంచ మార్కెట్ సంకేతాలు, అమెరికా డాలర్ బలం మధ్య బంగారం ధరలు ఏకీకృతం కావచ్చు లేదా కొంత తగ్గవచ్చని విశ్లేషించారు.

పెట్టుబడిదారులు రూ. 1,17,000 నుండి రూ.1,15,000 జోన్ చుట్టూ స్థిరత్వాన్ని గమనించాలి, ఎందుకంటే ఇది కీలకమైన సంచిత ప్రాంతంగా పనిచేస్తుంది. ఈ మద్దతు స్థాయిల వద్ద ధరలు నిలకడగా ఉంటే తిరిగి పైకి పుంజుకుని రూ.1,22,500 లేదా అంతకంటే ఎక్కువ స్థాయిల వైపు కదిలే అవకాశం ఉందని చెబుతున్నారు. కాబట్టి బంగారం కొనాలనుకునే వారు ఈ స్థాయిల వద్ద అలర్ట్ గా ఉండాలని సూచిస్తున్నారు.

MCX గోల్డ్ ట్రేడింగ్ వ్యూహం ప్రకారం.. ప్రస్తుత మార్కెట్ ధర (CMP) రూ. 1,20,000 అనుకుంటే. లక్ష్యం రూ. 1,15,000గా ఉండాలి. ఇక స్టాప్ లాస్ రూ. 1,22,500గా సూచించారు. వ్యాపారులు అధిక స్థాయిల వద్ద కొనుగోళ్లను చేయడం కన్నా మద్దతు దగ్గర కొనుగోలు అవకాశాల కోసం చూడాలని, క్రమశిక్షణతో కూడిన స్టాప్ లాస్ విధానాన్ని పాటించాలని ఆయన సిఫార్సు చేశారు.

బంగారాన్ని భారీగా నిల్వ చేసుకుంటున్న RBI.. పసిడి వినియోగంలో 2వ స్థానంలో భారత్.. కారణమిదే..

ఇదే సమయంలో MCX సిల్వర్ కూడా బలహీనత సంకేతాలను చూపిస్తోంది. ఇటీవల కీలక నిరోధ స్థాయిలను దాటడంలో విఫలమైన వెండి, స్వల్పకాలిక ఒత్తిడిని ఎదుర్కొంటోంది. పెరుగుతున్న డాలర్ బలం, అమెరికా బాండ్ దిగుబడులు, పారిశ్రామిక వినియోగదారుల నుండి తగ్గిన డిమాండ్ వెండి మార్కెట్‌ను మరింత జాగ్రత్తగా మార్చాయి.

ప్రస్తుతం వెండి ధరలు తగ్గుతూ రూ. 1,41,500 స్థాయిని పరీక్షించే అవకాశం ఉంది, ఇది కీలక మద్దతు జోన్‌గా కనపడుతోంది. ఈ స్థాయికి దిగువన బ్రేక్ అయితే మరింత ప్రతికూలత సాధ్యమని అభిలాష్ హెచ్చరించారు. ఏదైనా రికవరీ ప్రయత్నాలు రూ. 1,48,700 వద్ద గట్టి ప్రతిఘటనను ఎదుర్కొనే అవకాశం ఉందని తెలిపారు. అస్థిరత కొనసాగనుందని, వ్యాపారులు అప్రమత్తంగా ఉండాలని సూచించారు. స్వల్పకాలిక వ్యాపారుల కోసం ర్యాలీలలో అమ్మకాలు చేయడం, అలాగే దీర్ఘకాలిక పెట్టుబడిదారులు రూ. 1,41,500 వద్ద క్రయవిక్రయాలకు అవకాశం ఉందని చెబుతున్నారు.

ఇక MCX సిల్వర్ ట్రేడింగ్ వ్యూహం ప్రకారం, CMP రూ. 1,45,700, లక్ష్యం రూ. 1,41,500, స్టాప్ లాస్ రూ. 1,48,700గా సూచించారు. వెండి రూ. 1,48,700 స్థాయిని నిర్ణయాత్మకంగా దాటకపోతే మరింత ప్రతికూల ఒత్తిడికి గురయ్యే అవకాశం ఉందని చెబుతున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి

Credit: Goodreturns