ఎంత మోసం.. 10 గ్రాముల బంగారం కొంటే వచ్చేది 9 గ్రాములే.. 1 గ్రాము ఎలా లాస్ అవుతుందంటే..

భారతదేశంలో బంగారం అంటే కేవలం విలువైన లోహమే కాదు.. అది మన సంస్కృతి, సంప్రదాయం, భావోద్వేగానికి చిహ్నంగా కూడా చూస్తారు. పెళ్లిళ్లు, శుభకార్యాలు, పండుగలు ఇలా ఏ సందర్భమైనా బంగారం కొనడం మన జీవన విధానంలో ప్రధాన భాగమైపోయింది. ప్రస్తుతం గ్రాముకు ధరలు భారీగా పెరగడంతో Gold కుటుంబాల ప్రధాన పెట్టుబడిగా మారింది. అయితే, చాలామందికి తెలియని ఒక ముఖ్యమైన విషయం ఏంటంటే ఆభరణాలను తయారు చేసే ప్రక్రియలో ప్రతి 10 గ్రాముల బంగారానికి దాదాపు 1 గ్రాము వరకు నష్టం సంభవిస్తుంది. ఈ నష్టం చివరకు వినియోగదారుడే భరించాల్సిన పరిస్థితి వస్తుంది.

బంగారం స్వచ్ఛతను సాధారణంగా క్యారెట్లలో కొలుస్తారు. 24 క్యారెట్ల Gold 100% స్వచ్ఛమైనదే అయినప్పటికీ, అది చాలా మృదువైనది గా ఉంటుంది. ఆభరణాలను మన్నికగా ఉండేలా చేయడానికి రాగి, వెండి, జింక్, కాడ్మియం వంటి లోహాలను కలిపి 22 క్యారెట్లు లేదా 18 క్యారెట్ల బంగారంగా మార్చుతారు. అయితే తయారీ సమయంలో కరిగించడం, మలచడం, కట్ చేయడం, పాలిష్ చేయడం వంటి దశల్లో చిన్న చిన్న ముక్కల రూపంలో బంగారం పనిముట్లకు అంటిపడటం లేదా ధూళిలా మారిపోవడం జరుగుతూ ఉంటుంది. ఇవన్నీ కలిపి ప్రతి 10 గ్రాములకు సుమారు 1 గ్రాము వరకు నష్టం ఏర్పడుతుంది.

నగల వ్యాపారులు చెబుతున్న దాని ప్రకారం.. మీరు 10 గ్రాముల 22 కె Gold ఇచ్చి గొలుసు చేయించుకుంటే, పూర్తయిన ఆభరణం తూకం సుమారు 9 గ్రాములనే చూపిస్తుంది. అయినప్పటికీ మీరు మొత్తం 10 గ్రాముల ధరను చెల్లించాల్సిందే. ఈ 'వేస్టేజ్' ను తయారీ భాగంగా పరిగణిస్తారు. అలాగే మీరు పాత ఆభరణాలను, ముఖ్యంగా BIS హాల్‌మార్క్ చేసిన వాటిని మార్పిడి చేస్తే వేస్ట్ కొంత తగ్గుతుంది.

కొన్ని సందర్భాల్లో 1 గ్రాము కన్నా తక్కువ నష్టమే ఉంటుంది. పాత ఆభరణాలను కరిగించి శుద్ధి చేస్తే, వాటిలో ఉన్న మిశ్రమ లోహాలు కాలిపోతాయి. ఫలితంగా తీసుకునే స్వచ్ఛమైన బంగారం బరువు తక్కువగా ఉంటుంది. అందుకే శుద్ధి అనంతరం లభించే బంగారం బరువు-స్వచ్ఛత ధృవీకరణ పత్రం-బరువు వ్యత్యాసం వంటి విషయాలను కొనుగోలుదారులు తప్పనిసరిగా తనిఖీ చేయాలని బంగారం నిపుణులు సూచిస్తున్నారు.

బంగారం ధర దిగి వచ్చింది.. ఇంకా తగ్గే దాకా వెయిట్ చేయండి.. నవంబర్ 17, సోమవారం ధరలు ఇవే..

పాత ఆభరణాలను తిరిగి ఆభరణాలు లాగానే మార్చడం కంటే వాటిని కరిగించి స్వచ్ఛమైన బంగారు బిస్కట్లు లేదా బార్‌లుగా తయారు చేయించడం పెట్టుబడిదారుల దృష్టికి చాలా మంచిది. ఇందులో తయారీ ఛార్జీలు ఉండవు. స్వచ్ఛత ఎక్కువగా ఉంటుంది. అలాగే భవిష్యత్తులో అమ్మడానికి సులభతరం అవుతుంది. తాకట్టు పెట్టడానికి కూడా అధిక విలువకు అంగీకరిస్తారు. ఇప్పటి పరిస్థితుల్లో గ్రాము బంగారం ధర రూ. 12 వేలకు పైగా ఉండటంతో.. మార్పిడి ప్రక్రియలో జరిగే చిన్న నష్టం కూడా వేల రూపాయలకు చేరుతుంది. చాలా మంది ఈ లెక్కలు తెలియక అనవసర నష్టాలను ఎదుర్కుంటున్నారు.

తెలుగు రాష్ట్రాల్లో బంగారం ధరలు ఎలా ఉన్నాయో లింక్ మీద క్లిక్ చేసి తెలుసుకోండి

సురక్షితమైన Gold కొనుగోలు కోసం ముఖ్య సూచనలు
ఎప్పుడూ BIS హాల్‌మార్క్ బంగారమే కొనాలి
ఆభరణం చేసేందుకు ఇచ్చే ముందు తూకం-శుద్ధత వివరాలు స్పష్టంగా అడగాలి
తయారీ ఛార్జీలు & వేస్టేజ్ శాతం ముందుగానే రాతపూర్వకంగా తీసుకోవాలి
మార్పిడి చేసే సమయంలో శుద్ధత ధృవీకరణ పత్రం తప్పనిసరి

బంగారం ధరలు పెరుగుతున్న నేటి కాలంలో ప్రతి గ్రాము విలువైనదే. నగల తయారీలో జరిగే 1 గ్రాము నష్టం చిన్న విషయమేమి కాదు. అది మీ జేబుపై ప్రత్యక్ష ప్రభావం చూపుతుంది. కానీ సరైన అవగాహన, BIS హాల్‌మార్క్ ఎంపిక, పారదర్శక బరువు-శుద్ధత తనిఖీలు చేస్తే, మీరు పెట్టే ప్రతి రూపాయి సురక్షితంగా ఉంటుంది. మీ బంగారం మాదిరిగానే మీ పెట్టుబడి మెరిసిపోవాలంటే తెలివైన నిర్ణయాలే కీలకమని నిపుణులు చెబుతున్నారు.

డిస్క్లైమర్: ఈ వెబ్‌సైట్‌లోని అభిప్రాయాలు, సూచనలు పూర్తిగా వ్యక్తిగత విశ్లేషకులు లేదా ఇతర సంస్థలవి మాత్రమే. ఇవి Goodreturns.in లేదా Greynium Information Technologies Private Limited అధికారిక అభిప్రాయాలు కాదని గమనించగలరు.మేము ఈ విషయం యొక్క ఖచ్చితత్వం, సమగ్రత లేదా విశ్వసనీయతపై ఎటువంటి హామీ ఇవ్వడం కాని, అనుమతించడం కాని బాధ్యత వహించడం జరగదు. మేము ఎలాంటి పెట్టుబడి సలహా ఇవ్వము. అలాగే ఎటువంటి సెక్యూరిటీ కొనుగోలు లేదా అమ్మకాలు ప్రోత్సహించము. ఈ వెబ్‌సైట్‌లోని కథనం పూర్తిగా సమాచారం, విద్యా ప్రయోజనాల కోసమే అందించబడుతుంది. మీరు ఏదైనా పెట్టుబడి నిర్ణయం తీసుకునే ముందు, లైసెన్స్ పొందిన ఆర్థిక సలహాదారుల సహాయం తీసుకోండి. ఈ కథనాన్ని కేవలం సమాచారంగా మాత్రమే పరిగణించండి

Credit: Goodreturns