90 కి.మీ మైలేజ్ ఇచ్చే స్కూటర్ రాక! లక్షకు పైగా అమ్ముడుపోయిన ప్రస్తుత మోడల్‌

టీవీఎస్ జూపిటర్ (Tvs Jupiter) భారత టూవీలర్ మార్కెట్లో ఎన్నాళ్లుగానో తనదైన స్థానం నిలబెట్టుకుంది. స్కూటర్ సెగ్మెంట్‌లోకి చూస్తే హోండా యాక్టివా, సుజుకి యాక్సిస్ వంటి బలమైన పోటీదారులు ఉన్నప్పటికీ, జూపిటర్ మాత్రం తన నమ్మకమైన పనితీరు, మైలేజ్, మెయింటెనెన్స్ ఖర్చులు తక్కువగా ఉండటం వంటి కారణాలతో వినియోగదారుల మన్ననలు పొందుతోంది. ప్రత్యేకంగా అక్టోబర్ 2025 అమ్మకాలు చూస్తే, టీవీఎస్ కంపెనీకి ఇది అసలైన పండుగ నెలగా మారిపోయింది. దీపావళి-దసరా సీజన్‌లో కొనుగోలు ఉత్సాహం పెరగడంతో షోరూమ్‌ల వద్ద జూపిటర్‌కు డిమాండ్ మరింతగా పెరిగింది. చాలా మంది కుటుంబాలు ఫెస్టివల్ బోనస్‌లను వినియోగిస్తూ కొత్త స్కూటర్ కోసం షోరూమ్‌లను ఆసక్తిగా సందర్శించగా, వారిలో పెద్ద శాతం మంది ఎంపికగా జూపిటర్‌పైనే నిలిచారు.

అక్టోబర్ నెలలో ఒక్కసారి చూస్తే, జూపిటర్ మొత్తం 1,18,888 యూనిట్లు అమ్ముడవడం కంపెనీకి భారీ రికార్డ్. ఒకే నెలలో దాదాపు 1.2 లక్షల స్కూటర్లకు పైగా అమ్మకాలు జరగడం టీవీఎస్‌కు ఇదే తొలిసారి. ఈ సంఖ్యలు జూపిటర్ ఎలాంటి స్థిరమైన మార్కెట్ బలం కలిగి ఉందో స్పష్టంగా చెబుతాయి. స్కూటర్ మార్కెట్‌లో పోటీ రోజురోజుకీ పెరుగుతున్నా, జూపిటర్ మాత్రం ప్రతి నెలా బలమైన అమ్మకాలను నమోదు చేస్తూనే ఉంది.

గత ఏడాదితో పోలిస్తే జూపిటర్ ఈసారి మరింత బలమైన ప్రదర్శన చూపింది. 2024 అక్టోబర్‌లో కూడా జూపిటర్ లక్ష మార్క్‌ను దాటినా, అప్పట్లో మొత్తం 1,09,702 యూనిట్లు మాత్రమే అమ్ముడయ్యాయి. అంటే ఇప్పటికే మంచి డిమాండ్ ఉన్నప్పటికీ, ఈ ఏడాది ఇంకా పెద్ద పెరుగుదల నమోదైంది. 2025 అక్టోబర్‌కు వెళ్తే, అమ్మకాల సంఖ్య 1,18,888 యూనిట్లకు చేరింది. ఇది గత ఏడాదితో పోలిస్తే 9,186 యూనిట్ల అదనపు అమ్మకాలు జరిగాయి.

ఈ పెరుగుదల చిన్నది అనిపించినప్పటికీ, ఇప్పటికే భారీగా అమ్ముడవుతున్న స్కూటర్‌కు ఇంత శాతం వృద్ధి రావడం అసాధారణ విషయమే. మార్కెట్లో పోటీ పెరగడం, కొత్త మోడళ్లు రావడం వంటి పరిస్థితుల్లోనూ జూపిటర్ తన అమ్మకాల గ్రాఫ్‌ను పైకి లాగడం, వినియోగదారుల నమ్మకానికి అద్దం పడుతుంది. టీవీఎస్ జూపిటర్ కేవలం స్కూటర్ సెగ్మెంట్‌లోనే కాదు, మొత్తం ద్విచక్ర వాహన మార్కెట్‌లో కూడా తన శక్తిని మరోసారి రుజువు చేసింది.

అక్టోబర్ 2025లో దేశవ్యాప్తంగా అమ్ముడైన టాప్-10 ద్విచక్ర వాహనాల జాబితాలో జూపిటర్ 5వ స్థానం సంపాదించింది. హీరో, హోండా, సుజుకి, బజాజ్ వంటి దాదాపు ప్రతి కంపెనీ నుంచి వచ్చిన ప్రముఖ బైక్‌లు, స్కూటర్లను అధిగమిస్తూ, జూపిటర్ జాబితాలో 5వ స్థానం దక్కించుకోవడం విశేషం. మొత్తం మీద, అక్టోబర్ 2025లో జూపిటర్ అమ్మకాల బలం కేవలం కంపెనీకి విజయమే కాదు, స్కూటర్ మార్కెట్ తరంగాలను మార్చే స్థాయి రికార్డ్‌గా నిలిచింది.

జూపిటర్ అమ్మకాల వేగం ఇంతగా పెరుగుతున్న నేపథ్యంలో, టీవీఎస్ ఇప్పుడు మరింత దూకుడు ప్రణాళికతో ముందుకు వస్తోంది. స్కూటర్‌ను దేశంలో టాప్-1 స్థానంలో నిలపాలని లక్ష్యంగా పెట్టుకున్న కంపెనీ, మార్కెట్‌లో కొత్త సంచలనం సృష్టించే మోడల్‌ను సిద్ధం చేస్తోంది. టీవీఎస్ జూపిటర్ 125 స్కూటర్‌కు CNG వెర్షన్‌ను తీసుకురావడానికి కంపెనీ ఇప్పటికే గట్టి ప్లాన్‌ రూపొందించింది.

ప్రాథమిక సమాచారాన్ని బట్టి చూస్తే, ఈ CNG జూపిటర్ 125 ధర దాదాపు రూ. 90,000 (ఎక్స్-షోరూమ్) వద్ద ప్రారంభం కానుందని అంచనా. పెట్రోల్‌తో పోలిస్తే CNG చాలా చవకగా ఉండటం వల్ల, రోజూ ఎక్కువ దూరం ప్రయాణించే వినియోగదారులకు ఇది భారీ ప్రయోజనం ఇవ్వొచ్చు. అంచనాల ప్రకారం దీని మైలేజ్ దాని మైలేజ్ కిలోగ్రాముకు 90 కిలోమీటర్లు ఉంటుందని చెబుతున్నారు.

Credit: Drivespark