తల్లిపాల నుండి బాటిల్ పాలకు,,,,

By B N Sharma

Published: Monday, September 12, 2011, 16:24 [IST]

ప్రతి బిడ్డా ప్రేమించదగినదే. వారి చిన్ని కాళ్ళపై వారు నిలబడేటంతవరకు తల్లితండ్రులు వారి ఆహారంపై అత్యధిక శ్రధ్ధ పెట్టాల్సిందే. అయితే, తల్లిపాలనుండి, బాటిల్ పాలకు మారేటపుడు తల్లితండ్రులకు కొంత సమస్యగానే వుంటుంది. ఈ మార్పుకు బిడ్డ ఇష్టపడకపోవచ్చు. మొదట్లో అసౌకర్యంగా భావించవచ్చు. అయినప్పటికి బిడ్డ తప్పని సరిగా కొద్ది సంవత్సరాల తర్వాత బాటిల్ ఫీడింగ్ కు రావాల్సిందే. ఈ మార్పును తల్లితండ్రులు ఎంతో నిదానంగా ఓపికగా చేయాల్సివుంటుంది.

1. పాల సీసాలు రెండు కొనండి. ఒకటి ప్లాస్టిక్, రెండోది గాజుదిగా వుండాలి. బిడ్డ పాలు దేనితో తాగటానికి ఇష్టపడితే దానినే వాడండి. అంతే కాని తేలికగా వుంటుందని ప్లాస్టిక్ వాడకండి.
2. బాటిల్ ఫీడింగ్ లో ప్రధానమైనది నిపిల్. లేదా పీక. ఇది మెత్తగా వుండాలి. మంచి నాణ్యతకలదై పొట్టకు ఇన్ఫెక్షన్ కలుగకుండా వుండాలి.
3, ప్రతి ఉపయోగం తర్వాత బాటిల్ ను బాగా స్టెరిలైజ్ చేయండి. పీకను వేడినీటితో, మంచి డిటర్జెంట్ తో కడగండి. బాక్టీరియా సోకకుండా చూడాలి.
4. మరో అతిముఖ్యమైన జాగ్రత్త ఏమంటే బాటిల్ లో పాలు ఎక్కువసేపు నిలువ వుండకుండా చూడండి. బేబీ తాగిన తర్వాత బాటిల్ ను వేడి నీటిలో స్టెరిలైజ్ చేయండి. పాలు బాటిల్ లో నిలువ వుంటే వాసన వచ్చే ప్రమాదముంది.

ఈ విధంగా బేబీని తల్లిపాలనుండి బాటిల్ పాలకు మార్చే ప్రక్రియను తేలికగా ఆచరించండి.